فرمان الہی
نماز کے اوقات
ممبئی کروز شِپ منشیات کیس میں بالی ووڈ کنگ شاہ رخ خان کے بیٹے آریان خان کی ضمانت منظور ہونے کے بعد سُہانا خان نے سوشل میڈیا پر بچپن کی تصاویر شیئر کردیں۔
سُہانا خان نے اپنے بڑے بھائی کی ضمانت منظور ہونے پر خوشی کا اظہار کرتے ہوئے فوٹو اینڈ ویڈیو شیئرنگ ایپ انسٹاگرام کا رُخ کیا۔
اُنہوں نے اپنے تصدیق شدہ انسٹاگرام اکاؤنٹ پر ایک فوٹو کولاج شیئر کیا ہے جوکہ سُہانا اور آریان کے بچپن کی تصاویر کی مدد سے بنایا گیا ہے۔
ان تصاویر میں شاہ رخ خان اپنے دونوں بچوں آریان خان اور سُہانا کے ساتھ خوب لطف اندوز ہوتے ہوئے نظر آرہے ہیں جبکہ یہ کولاج والد اور اولاد کے خوبصورت رشتے کی عکاسی کر رہا ہے۔
سُہانا خان نے اپنی پوسٹ کے کیپشن میں ’I LOVE U‘ لکھ کر بھائی سے محبت کا اظہار کیا۔
شاہ رخ خان کی بیٹی نے صرف 12 گھنٹے قبل ہی انسٹاگرام پر یہ پوسٹ شیئر کی ہے جسے اب تک پانچ لاکھ سے زائد صارفین لائک کرچکے ہیں جبکہ تبصروں کا سلسلہ جاری ہے۔
واضح رہے کہ شاہ رخ خان کے بیٹے آریان خان کو منشیات برآمدگی کیس میں بلآخر ضمانت مل گئی۔
میڈیا رپورٹس کے مطابق آریان خان کے ساتھ ساتھ اس کیس میں گرفتار ارباز مرچنٹ اور مونمون دھامیچا کی بھی ضمانت منظور ہوگئی ہے۔
خیال رہے کہ بھارت کے انسداد دہشت گردی کے ادارے نارکوٹکس کنٹرول بیورو (این سی بی) نے ممبئی میں ساحل کے قریب کروز شپ پر پارٹی کے دوران چھاپا مارکر شاہ رخ خان کے بیٹے آریان خان اور ان کے دوست ارباز مرچنٹ کو گرفتار کیا تھا۔
