بختاور بھٹو کے بیٹے کی پہلی جھلک منظرِ عام پر

سابق صدر آصف علی زرداری اور سابق وزیراعظم بینظیر بھٹو کی صاحبزادی بختاور بھٹو کے بیٹے کی پہلی جھلک منظرِ عام پر آگئی۔

بختاور بھٹو نے اپنے تصدیق شدہ نسٹاگرام اکاؤنٹ پر بیٹے کی پہلی تصویر شیئر کی ہے۔

انسٹاگرام پر شیئر کی گئی تصویر میں بختاور اور محمود کے بیٹے کے بستر پر اُن کا نام ’حاکم‘ درج ہے۔

بختاور بھٹو نے بیٹے کی تصویر کے کیپشن میں بتایا کہ ’اُن کا بیٹا ایک ہفتے کا ہوگیا ہے۔‘

بختاور اور بیٹے کا گھر پر ویلکم کیسے ہوا؟

سابق وزیراعظم بینظیر بھٹو اور سابق صدر آصف علی زرداری کی صاحبزادی بختاور بھٹو زرداری اور اُن کے بیٹے کی گھر آمد پر گھر کو پھولوں اور مختلف کھلونوں سے سجا دیا گیا جس کی ویڈیو سوشل میڈیا پر وائرل ہوگئی۔

دوسری جانب بختاور بھٹو کے شوہر محمود چوہدری نے بھی اپنے آفیشل انسٹاگرام اکاؤنٹ پر بیٹے کی پہلی تصویر شیئر کی۔

محمود چوہدری نے اپنی پوسٹ کے کیپشن میں بیٹے کی تاریخِ پیدائش درج کی۔

واضح رہے کہ بختاور بھٹو کے ہاں بیٹے کی ولادت گزشتہ ماہ کی 10 تاریخ کو ہوئی تھی جس کے بعد پی پی چیئرمین بلاول بھٹو زرداری ماموں، سابق صدر آصف علی زرداری نانا اور آصفہ بھٹ زرداری خالہ بن گئی ہیں۔