وفاقی حکومت ناظم جوکھیو کے قتل پر جےآئی ٹی بنائےگی، گورنرسندھ

گورنر سندھ عمران اسماعیل کا کہنا ہے کہ وفاقی حکومت ناظم جوکھیو کے قتل کی شفاف تحقیقات کے لئے جے آئی ٹی بنائے گی، جنگل کا قانون چلنے نہیں دیں گے، جے آئی ٹی بنوائیں گے۔

ٹھٹھہ  میں میڈیا سے گفتگو کرتے ہوئے گورنر سندھ عمران اسماعیل نے کہا کہ  وزیراعظم کی ہدایت پر ناظم جوکھیو کے اہل خانہ سے ملنے آیا ہوں، وزیر اعظم  کو واقعے کی تفصیلات سے آگاہ کروں گا۔

ناظم جوکھیو قتل: ہومین رائٹس کا انصاف فراہم کرنے کا مطالبہ

انسانی حقوق کی تنظیم کا کہنا ہے کہ ایم پی اےکےکہنے پرناظم جوکھیوکا قتل امراءکےدائمی استثنا کوعیاں کرتاہے۔

گورنر سندھ نے کہا کہ ناظم جوکھیو کو بیدردی سے قتل کیا گیا، با اثر ملزم کو بچایا جارہا ہے، ایف آئی آر میں چند نام ہیں، اصل ملزمان کے نام نہیں ہیں۔

عمران اسماعیل نے کہا کہ جو جے آئی ٹی بنی ہے اس پر ورثاء کا اعتماد نہیں ہے، سندھ اسمبلی کے کئی ارکان پر قتل کے الزامات ہیں، شاہ سے زیادہ شاہ کے وفادار بننے والوں نے یہ کام کیا۔

گورنر سندھ نے کہا کہ اس معاملے پر وزیراعلیٰ اور آئی جی سندھ سے بات کروں گا وزیراعلیٰ سے کہوں گا ان ارکان کا ٹرائل کریں۔

عمران اسماعیل نے کہا کہ جو بربریت پر یقین رکھتے ہیں ان کی اسمبلی میں جگہ نہیں ہے۔