شاہ رخ خان نےچھتری سے اپنا چہرہ کیوں چھپایا؟

 بالی ووڈ کنگ شاہ رخ خان کی چھتری کے پیچھے چھپے ہوئے  چہرے کی ایک ویڈیو سوشل میڈیا پر وائرل ہو گئی ہے۔

بھارتی میڈیا  کے مطابق، شاہ رخ خان جب 7 نومبر بروز اتوار دہلی سے ممبئی پہنچے اور نجی کلینا ایئر پورٹ کے باہر پاپرازی فوٹوگرافرز سے ایک بڑی سیاہ چھتری کے پیچھے چھپتے ہوئے اپنی گاڑی میں بیٹھے۔

شاہ رخ خان کے ہمراہ ان کے باڈی گارڈ بھی تھے جو ان کی گاڑی کے قریب کھڑے تھے، جب کہ ایک اور نامعلوم شخص نےانہیں میڈیا کی نظروں سے بچانے کے لیے چھتری کے پیچھے چھپا کر گاڑی میں بٹھایا۔

آریان خان کی طبیعت ناساز، NCB کے آفس پیش نہ ہوسکے

بالی ووڈ اداکار شاہ رخ خان کے بیٹے آریان خان کو نارکوٹکس کنٹرول بیورو (این سی بی) کی اسپیشل انویسٹی گیشن ٹیم (ایس آئی ٹی) نے کروز ڈرگز کیس کے سلسلے میں گزشتہ روز طلب کیا تھا لیکن وہ بخار کا حوالہ دیتے ہوئے اُن کے سامنے پیش نہیں ہوسکے۔

واضح رہے کہ گزشتہ ماہ 2 اکتوبر کو نارکوٹکس کنٹرول بیورو (این سی بی) کی جانب ممبئی کروز شِپ پر چھاپہ مارا گیا جہاں بالی ووڈ کنگ شاہ رخ خان کے بڑے بیٹے آریان خان کو اُن کے دوستوں سمیت منشیات استعمال کرنے کے الزام میں حراست لیا گیا تھا۔