ناظم جوکھیو قتل، وکیل کو دھمکیاں ملنے کا انکشاف

ناظم جوکھیو قتل کیس کے مدعی وکیل کا کہنا ہے کہ مجھے بااثر شخصیات کی جانب سے دھمکیاں مل رہی ہیں، فی الحال دھمکیاں دینے والوں کے نام نہیں بتاؤں گا۔

جوڈیشل مجسٹریٹ ملیر کی عدالت میں ناظم جوکھیو قتل کیس کی سماعت کے بعد میڈیا سے بات کرتے ہوئے مقتول کے بھائی اور مدعی مقدمہ افضل جوکھیو نے بتایا کہ وہ پولیس کی جانب سے ابھی تک ہونے والی تفتیش سے مطمٔن نہیں ہیں۔

ناظم جوکھیو کے موبائل فون کا ڈیٹا ریکارڈ مل گیا

ناظم جوکھیو قتل کیس میں پیپلز پارٹی کے رکن سندھ اسمبلی جام اویس سمیت 3ملزمان کے جسمانی ریمانڈ میں توسیع کردی گئی، مقتول کے موبائل فون کا ڈیٹا ریکارڈ حاصل کرلیا گیا ۔

افضل جوکھیو کا کہنا تھا کہ جے آئی ٹی بنے گی امید ہے کہ شفاف تحقیقات ہوں گی۔

ان کا مزید کہنا تھا کہ وکلاء ہمارے ساتھ ہیں ڈٹ کر کھڑے ہیں جبکہ مدعی کے وکیل نے بتایا کہ مجھے بااثر شخصیات کی جانب سے دھمکیاں مل رہی ہیں۔

واضح رہے کہ آج کی سماعت میں پیپلز پارٹی کے رکن سندھ اسمبلی جام اویس سمیت 3 ملزمان کے جسمانی ریمانڈ میں توسیع کردی گئی۔