فرمان الہی
نماز کے اوقات
کراچی ( اسٹاف رپورٹر) عالمی جونیئر ہاکی کپ میں شرکت کے لئے پاکستان جونیئر ہاکی ٹیم بھارت پہنچ گئی، دہلی آمد پر قومی جونیئر ہاکی اسکواڈ کا استقبال پاکستانی ہائی کمیشن نے کیا۔ بھارت میں تعینات پاکستانی ہائی کمشنر آفتاب حسن خان نے قومی جونیئر ہاکی اسکواڈ کے اعزاز میں ظہرانہ دیا۔ ظہرانہ کے بعد پاکستان جونیئر ہاکی ٹیم ہیڈ کوچ اولمپین دانش کلیم کی قیادت میں بھوبنیشور روانہ ہوگئی۔پاکستان جونیئر ہاکی ٹیم پریکٹس میچز کے سلسلہ میں 21 نومبر کو چلی اور 22نومبر کو کینیڈا کے خلاف کھیلے گی۔ ان پریکٹس میچز کو آف کیمرہ رکھا جائے گا۔ عالمی جونیئر ہاکی کپ ایونٹ کا آغاز 24نومبر کو ہوگا جس میں پاکستان جونیئرز ہاکی ٹیم جرمنی کے خلاف اپنا پہلا میچ کھیلے گی۔
