کراچی: 100 متاثرہ خاندانوں پر کسی کو ترس نہ آیا

کراچی کے علاقے تین ہٹی میں جھگیاں جلنے سے متاثرہ 100 خاندان دوسرے روز بھی بےیارومددگار ہیں۔

متاثرہ 100 خاندانوں کے بچوں اور عورتوں نے سرد رات کھلے آسمان تلے گزار دی۔

متاثرہ خاندانوں کو صبح بھوک نے ستایا مگر حکام نیند سے نہ جاگے۔

جھونپڑی کی آگ تو بجھ گئی، پیٹ کی آگ کون بجھائےگا؟

راجو اور تلسی جن کا سب کچھ تین ہٹی میں لگنے والی آگ میں جل گیا، اب پیٹ کی آگ بجھانے کے لئے پھول کے گجرے بنانے کی تیاری کر رہے ہیں، اس امید پر کہ ایک بار پھر اپنا سائبان بنا سکیں۔

تین ہٹی میں جھگیاں جلنے سے متاثرہ خاندانوں پر کسی کو بھی ترس نہیں آیا۔

جھگیاں جلنے سے بے یارو مددگار ہونے والے متاثرہ افراد کی حکومت سے مدد کی اپیل کی ہے۔