سکھر(بیورو رپورٹ ) سکھرمیں پولیس مقابلوں کے دوران دو ڈاکو ہلاک، تین زخمی، 41ڈاکوؤں کو گرفتار کر کے ان کے قبضے سے بھاری اسلحہ برآمد کر لیا گیا، ایس ایس پی سکھر امجد احمد شیخ نے سکھر پولیس کی ایک ماہ کی کارکردگی رپورٹ پیش کرتے ہوئے بتایا کہ ضلع بھر میں پولیس اور ڈاکوؤں کے درمیان ایک ماہ میں 14مقابلے ہوئے ان مقابلوں میں 2ڈاکو ہلاک اور تین زخمی حالت میں گرفتار ہوئے جبکہ 41ڈاکوؤں کو پولیس نے مختلف مقامات پر کارروائی کرتے ہوئے گرفتا رکیا، گرفتار ہونے والے ڈاکوؤں کے قبضے سے بھاری اسلحہ جس میں 3کلاشنکوف، 2شاٹ گن، 11پسٹل اور سینکڑوں گولیاں بھی برآمد کیں، پولیس نے مقابلوں کے دوران ڈاکوؤں کے 2گروہوں کا قلع قمع کیا، اشتہاری اور روپوش ملزمان کی گرفتاری کے لئے متعدد پولیس پارٹیاں تشکیل دی گئیں تھیں پولیس نے کچے کے جنگلات میں بڑی کامیابیاں حاصل کی ہیں، تمام پولیس افسران اور تھانہ انچارجز کو سختی سے ہدایات دی ہیں کہ وہ اپنی حدود میں امن وامان کی فضا کو بحال رکھنے، ڈاکوؤں اور جرائم پیشہ عناصر کے خلاف کارروائی کو یقینی بنانے اور معاشرتی برائیوں کے خاتمے میں اپنا کلیدی کردار ادا کریں۔
فرمان الہی
نماز کے اوقات
