طلاق کی خبروں کے بعد پریانکا کا نِک کیلئے پیغام؟

بالی ووڈ سمیت ہالی ووڈ میں بھی اپنے ٹیلنٹ کا لوہا منوانے والی بھارتی اداکارہ پریانکا چوپڑا نے اپنی طلاق کی خبروں کے بعد شوہر کے لیے محبت بھرا پیغام جاری کردیا۔

حال ہی میں  پریانکا چوپڑا نے وضاحت فراہم کیے بغیر اپنے انسٹاگرام اکاؤنٹ سے اپنے نام سے نِک جونس کا نام ہٹا دیا تھا جس کے بعد قیاس آرائیاں کی جارہی تھیں کہ دونوں کے درمیان طلاق ہوگئی ہے۔

ان خبروں کے بعد نِک جونس نے اپنے تصدیق شدہ انسٹاگرام اکاؤنٹ پر اپنی ایک ویڈیو شیئر کی جس میں اُنہیں جِم میں ورک آؤٹ کرتے ہوئے دیکھا جاسکتا ہے۔

نِک جونس کی اس ویڈیو پر جہاں اُن کے مداحوں نے تبصرے کیے تو وہیں اُن کی اہلیہ پریانکا چوپڑا خاموش نہ رہیں۔

پریانکا چوپڑا نے شوہر کی پوسٹ پر کمنٹ کرتے ہوئے لکھا کہ ’میں تمہاری بانہوں میں ہی مرگئی‘ اور اس کے ساتھ ہی اُنہوں نے دل والے ایموجیز بھی بنائے۔

طلاق کی خبروں کے بعد نِک جونس کی پہلی پوسٹ

امریکی گلوکار اور بالی ووڈ اداکارہ پریانکا چوپڑا کے شوہر نِک جونس نے طلاق کی خبروں کے بعد سوشل میڈیا پر پہلی پوسٹ شیئر کردی۔

واضح رہے کہ پریانکا چوپڑا کی والدہ مدھو چوپڑا نے بیٹی کی طلاق کی خبروں پر ردّعمل دیتے ہوئے کہا ہے کہ ’یہ سب بکواس ہے، افواہیں مت پھیلائیں۔‘

یاد رہے کہ پریانکا چوپڑا اور نک جونس نے سال 2018 میں یکم دسمبر کو ہندواور 2 دسمبر کو عیسائی طرزِ عمل کی شادی کی تھی۔

پریانکا کی طلاق کی خبروں پر والدہ کا ردّ عمل

بالی ووڈ سمیت ہالی ووڈ میں بھی اپنے ٹیلنٹ کا لوہا منوانے والی بھارتی اداکارہ پریانکا چوپڑا کی والدہ مدھو چوپڑا نے اپنی بیٹی اور داماد نِک جونس کی طلاق کی خبروں کی تردید کردی۔

بالی ووڈ کی معروف اداکارہ پریانکا نے نک سے اس وقت ملاقات کی تھی جب وہ ہالی ووڈ شوز اور فلموں میں اداکاری کے لیے امریکا گئیں تھیں۔