فرمان الہی
نماز کے اوقات
گورنر سندھ عمران اسماعیل نے کہا ہے کہ آدھے سے زیادہ کراچی کے نقشے اور منظوریاں غیرقانونی نظر آتی ہیں۔
ایک بیان میں گورنر سندھ نے کہا کہ سندھ بلڈنگ کنٹرول اتھارٹی (ایس بی سی اے) اور کراچی واٹر اینڈ سیوریج بورڈ (کے ڈبلیو ایس بی) میں دھندے چلتے ہیں۔
انہوں نے کہا کہ کسی نے واٹر بورڈ سے کنکشن لینا ہو یا بلڈنگ کنٹرول اتھارٹی سے نقشہ پاس کرانا ہو تو بغیر پیسوں کے لے کر دکھائے۔
عمران اسماعیل نے سندھ حکومت پر کرپشن کے سنگین الزامات لگائے اور کو آپریٹو مارکیٹ میں آگ لگنے اور عمارت کو غیر قانونی قرار دینے کے سوال پر جواب دیا۔
اُن کا کہنا تھا کہ جب آگ لگ جائے تو کہتے ہیں کہ عمارت غیر قانونی تھی اور پھر مدد نہ کی جائے لیکن ہم متاثرین کی مدد کریں گے۔
