• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان نژادرائے حسنین نے باکسنگ چیمپئن شپ جیت لی

آج کا اخبار
یورپ سے
24 نومبر ، 2021
ہیلی فیکس(زاہدانور مرزا)پاکستان نژاد باکسر نے لندن میں کامیابی کے جھنڈے گاڑ دئیے، چیمپئن شپ جیت گیا، ینگ باکسر رائے محمد حسنین علی نے سینئر ڈیولپمنٹ لند ن ہیوی ویٹ چیمپئن شپ جیت لی، چیمپئن شپ جیتنے کا اعزاز کسی بھی پاکستانی باکسر کے پاس پہلی بار آیا ہے، لندن میں ہونے والے اس مقابلے میں محمد حسنین نے سیاہ فام باکسر کو شکست دے کر کامیابی حاصل کی، اعزاز اپنے نام کرنے کے بعد باکسر رائے محمد حسنین علی نے اپنے پیغام میں کہا کہ میں اس کامیابی پر اللہ پاک کا شکر ادا کرتا ہوں، یہ سب میرے اللہ کا کرم ہے، میرے والدین کی دعائیں اور ٹرینر کی بہتر تربیت کے باعث ممکن ہو سکا ہے۔ انہوں نے کہا کہ یہ اعزاز غیر معمولی نہیں اور یہ اعزاز کسی بھی پاکستانی باکسر کو پہلی بار ملا ہے۔ انہوں نے کہا کہ میں انشاء اللہ اپنی کارکردگی میں تسلسل جاری رکھوں گا اور پاکستان کا نام روشن کروں گا۔ یاد رہے کہ رائے محمد حسنین علی کا تعلق چکوال کے محلہ ڈھوک فیروز سے ہے اور وہ برطانوی شہریت رکھتے ہیں، رائے محمد حسنین علی کی شاندار کامیابی پر انہیں دوست احباب نے دلی مبارک باد دی ہے۔
تازہ ترین