• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور روڈ پر سستا بازا ر میں آتشزدگی،متعدد کھوکھے اور دکانیں خاکستر

میرا شہر
اسلام آباد
24 نومبر ، 2021
راولپنڈی (سٹاف رپورٹر)پشاورروڈپر سستا بازار میں آگ لگنے سے متعدد کھوکھے اوردکانیں جل گئیں، تھانہ ویسٹریج کے علاقہ پشاورروڈپرسہام موڑکے قریب ماڈل سستابازارمیں منگل کی دوپہر ایک بجے کے قریب اچانک آگ بھڑک اٹھی جس نے دیکھتے ہی دیکھتے بازارکی دکانوں اورڈھابوں کواپنی لپیٹ میں لے لیا،اطلاع ملنے پرریسکیو 1122کی آگ بجھانے والی گاڑیاں اورعملہ موقع پرپہنچ گیا جب کہ پولیس بھی جائے وقوعہ پر پہنچ گئی ،ریسکیو 1122کے مطابق عینی شاہدین کاکہناہے کہ بازارمیں ویلڈنگ کاکام ہورہاتھاکہ اس دوران آگ لگ گئی ،بازارمیں زیادہ ترلنڈے کے کپڑوں کی دکانیں ہیں جس کی وجہ سے آگ تیزی سے پھیلی ،ریسکیو 1122کی 13گاڑیوں اور دوموٹرسائیکل ایمبولینس نے موقع پرپہنچ کر فائر فائٹنگ آپریشن میں حصہ لیااوردوگھنٹے 40منٹ کے فائرفائٹنگ اورکولنگ آپریشن کے بعد آگ پرقابوپالیاگیا،ریسکیوترجمان کے مطابق آتشزدگی سے 26دکانیں وڈھابیں مکمل طورپراور چار دکانیں 70فیصد جل گئیں ،آگ لگنے سے تقریباً 28لاکھ روپے کانقصان ہواجب کہ 19دکانیں بروقت آپریشن سے محفوظ رہیں ۔
تازہ ترین