کترینہ نے بالی ووڈ کو عارضی طور پر چھوڑ دیا

بالی ووڈ اداکارہ کترینہ کیف نے اپنی شادی کی تیاریوں میں مصروفیت کے باعث عارضی طور پر بالی ووڈ کو خیرباد کہہ دیا۔

بھارتی میڈیا رپورٹس کے مطابق کترینہ کیف نے فلم انڈسٹری سے کچھ عرصے کے لیے چھٹی لے لی ہے  کیونکہ ان دِنوں وہ اپنا زیادہ تر وقت وکی کوشل کی فیملی کے ساتھ شادی کی تیاریوں میں گزار رہی ہیں۔

شوبز حلقوں میں گردش کرنے والی نئی خبروں کے مطابق فلمی جوڑا اگلے ماہ راجستھان میں شادی کے بندھن میں بندھ جائے گا۔

کترینہ کی شادی میں سلمان خان کیوں شریک نہیں ہوں گے؟

بالی ووڈ کے چُل بُل پانڈے سلمان خان اپنی دوست اور ساتھی اداکارہ کترینہ کیف کی شادی میں شرکت نہیں کریں گے جس کی وجہ سے سامنے آگئی ہے۔

میڈیا رپورٹس کے مطابق شادی کے ہر لمحے کو یادگار بنانے کے لیے کترینہ کیف نے کچھ عرصے کے لیے بالی ووڈ سے کنارہ کشی اختیار کر لی ہے اور اپنی تمام تر توجہ تیاریوں پر مرکوز کر دی ہے۔

بھارتی میڈیا کا کہنا ہے کہ کترینہ کیف اس وقت وکی کوشل کے بھائی اداکار سنی کوشال اور اپنی والدہ کے ساتھ شادی کی تیاریوں میں مصروف نظر آرہی ہیں جبکہ وکی کوشل اپنے پراجیکٹس میں مصروف ہیں۔

وکی کوشل کی مصروفیت کی وجہ سے اُن کی شادی کے تمام تر انتظامات اہلخانہ دیکھ رہے ہیں۔

کترینہ اور وکی کوشل میں سے زیادہ دولت مند کون؟

بالی وڈ اداکارہ کترینہ کیف اور اداکار وکی کوشل جلد شادی کے بندھن میں بندھنے والے ہیں لیکن کیا آپ جانتے ہیں کہ صرف عمر ہی نہیں بلکہ کترینہ کیف آمدنی، جائیداد، گاڑی سمیت دیگر کئی چیزوں میں وکی کوشل سے آگے ہیں۔

واضح رہے کہ کترینہ کیف اور وکی کوشل کی شاہی شادی دسمبر کے پہلے ہفتے میں راجستھان کے علاقے اوائے مدھو پور کے سکس سینسز فورٹ برواڑا میں ہوگی جبکہ اداکارہ کا عروسی لباس مشہور فیشن ڈیزائنر ساابیا ساچی نے ڈیزائن کیا ہے۔