• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مداحوں کا وکی کوشل سے شادی کے اعلان کا مطالبہ

بھارتی اداکار وکی کوشل کی جانب سے سوشل میڈیا پر اپنی نئی تصویر شیئر کی گئی ہے جس پر اُن کے مداح  ناراض نظر آ رہے ہیں۔

2018ء  کی بھارتی فلم ’راضی‘ میں پاکستانی فوجی آفیسر کا کردار ادا کرنے والے اداکار وکی کوشل کے سوشل میڈیا پر نئی تصویر اپلوڈ کرنے پر مداح اُن سے ناراض ہو گئے ہیں۔

وکی کوشل نے اپنی پوسٹ کے کیپشن میں لکھا ’زمین پر اُن کی پسندیدہ ترین جگہ۔‘


اس تصویر میں اداکار کیمرے کے ساتھ کسی شوٹ پر نظر آ رہے ہیں، وکی کوشل کی یہ تصویر دیکھ کر مداح تذبذب اور برہمی کا اظہار کر رہے ہیں۔

جہاں وکی کوشل کے مداحوں کی امیدوں کے مطابق اُنہیں شادی کی تیاریوں میں مصروف ہونا چاہیے تھا وہیں اُن کا پسندیدہ اداکار شوٹنگ میں مصروف ہے۔

وکی کوشل کی اس تصویر پر مداح اُن سے مطالبہ کر رہے ہیں کہ وہ شادی کا اب اعلان کر دیں، انتظار کرنا اُنہیں اچھا نہیں لگ رہا۔

واضح رہے کہ تا حال کترینہ کیف اور وکی کوشل کی جانب سے اپنی شادی سے متعلق پھیلی افواہوں کی تصدیق یا تردید نہیں کی گئی ہے۔

انٹرٹینمنٹ سے مزید