ملک میں سونے کی فی تولہ قیمت میں 2400 روپے کی کمی

گزشتہ روز 1200 روپے اضافے کے بعد آج کاروباری ہفتے کے آخری روز سونے کی فی تولہ قیمت 2400 روپے کم ہوئی ہے۔

سندھ صرافہ بازار ایسوسی ایشن کے مطابق 2400 روپے کمی کے بعد ملک میں سونے کی فی تولہ قیمت 1 لاکھ 22 ہزار 800 روپے ہے۔

صرافہ ایسوسی ایشن کے مطابق 10 گرام سونے کی قدر 2058 روپے کم ہوکر 105281 روپے ہے۔

ایسوسی ایشن کے مطابق عالمی صرافہ مارکیٹ میں سونے کے دام 26 ڈالر کم ہوکر 1787 ڈالر فی اونس ہے۔