• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان ریاست مدینہ کا نام لے کر پارسا نہ بنیں، حافظ حمد اللّٰہ

تازہ ترین
قومی خبریں
29 نومبر ، 2021


اپوزیشن اتحاد پی ڈی ایم کے ترجمان حافظ حمد اللّٰہ نے کہا ہے کہ عمران خان ریاست مدینہ کا نام لے کر زیادہ پارسا بننے کی کوشش نہ کریں۔

وزیراعظم کی تقریر پر ردعمل میں حافظ حمد اللّٰہ نے کہا کہ عمران خان صاحب آپ کرپٹ اور چوروں کے سردار ثابت ہوگئے ہیں۔

انہوں نے استفسار کیا کہ خان صاحب کیا پنڈورا لیکس میں کابینہ کے افراد شامل نہیں؟، کیا فارن فنڈنگ کیس میں آپ مطلوب نہیں ہیں؟

ججز سیمینار میں سزا یافتہ کو بطور مہمان خصوصی بُلایا گیا، وزیراعظم عمران خان

عمران خان نے کہا کہ پاکستان میں صرف چھوٹے چور پکڑے جاتے ہیں،چوروں کو برا نہیں سمجھا جاتا، جب ملک کا لیڈر ہی پیسا چوری کرنا شروع کردے اس سے بڑا اللّٰہ کا عذاب کسی انسان پر نہیں آسکتا۔

پی ڈی ایم ترجمان نے مزید سوال کیا کہ کیا چوروں کو بچانےکےلیے قومی احتساب بیورو (نیب) قوانیں میں ترمیم کرکےاین آر او نہیں دیا؟

اُن کا یہ بھی پوچھنا تھا کہ کورونا فنڈ میں 40 ارب روپے کی ڈکیتی آپ کی حکومت میں کس نے کی؟

حافظ حمد اللّٰہ نے کہا کہ عمران خان ریاست مدینہ کا نام لے کر زیادہ پارسا بننے کی کوشش نہ کریں، عوام آپ کی صورت میں ساڑھے 3 سال سے عذاب میں مبتلا ہیں۔

انہوں نے کہا کہ پی ڈی ایم مولانا فضل الرحمان کی قیادت میں آپ کا سیاسی خاتمہ کرکے دم لے گی۔

تازہ ترین