• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک میں مہنگائی 21 ماہ کی بلند ترین سطح پر پہنچ گئی


ملک میں مہنگائی 21 ماہ کی بلند ترین سطح پر پہنچ گئی، مئی 2021 کے بعد پہلی بار مہنگائی ڈبل ڈجٹ میں چلی گئی۔ ادویات، گھی، کوکنگ آئل، ٹماٹر، بجلی چارجز، موٹر فیول سمیت دیگر اشیاء ضروریہ مہنگی ہوگئی۔

اکتوبر میں مہنگائی کی شرح 9.2 جبکہ نومبر میں مہنگائی 11.5 فیصد تک پہنچ گئی ہے۔

نومبر میں شہری علاقوں میں مہنگائی 12 فیصد جبکہ دیہی علاقوں میں 10.9 فیصد پر پہنچ گئی۔

ادارہ شماریات کی رپورٹ کے مطابق نومبر میں ماہانہ بنیاد پر ٹماٹر 131.64 فیصد مہنگے ہوئے، گھی 10.87، ککنگ آئل 9.71، سبزیاں 10.46، انڈے 10.19، گوشت 2.63 فیصد مہنگا ہوا۔

اعدا و شمار کے مطابق اکتوبر کے مقابلے نومبر میں تازہ دودھ 2.33، چینی 1.43 فیصد مہنگی ہوئی۔ ادویات کی قیمتوں میں 1.63 فیصد، بجلی 8.32 فیصد، کنسٹرکشن ان پٹ آئٹمز 1.99 فیصد مہنگا ہوا۔

نومبر میں ماہانہ بیناد پر پیاز 7.97 فیصد، چکن 4.34، دال مونگ 0.69 فیصد سستی ہوئی۔

رپورٹ کے مطابق نومبر 2020 کے مقابلے نومبر 2021 میں سالانہ بنیاد پر گھی 58.28 فیصد، کنگ آئل 53.59 فیصد مہنگا ہوا۔ آٹا 10.26، آلو 17.66 فیصد، بجلی چارجز 47.87 فیصد، موٹر فیول 40.81 فیصد بڑھے۔

اسی طرح نومبر 2020 کے مقابلے نومبر 2021 میں ادویات کی قیمتوں میں 11.76 فیصد اضافہ ہوا ہے۔

رپورٹ کے مطابق سالانہ بیناد پر پیاز 37.68 ، آلو 17.66، دال مونگ 27.03 فیصد سستی ہوئی۔

قومی خبریں سے مزید