خیبرپختونخوا کے 17 اضلاع میں 19 دسمبر کو بلدیاتی انتخابات ، 5بڑے شہروں میں میئر کا الیکشن براہ راست

پشاور سمیت خیبرپختونخوا کے 5 میٹرو پولیٹن شہروں میں میئر کا براہ راست انتخاب 19 دسمبر کو ہوگا۔

الیکشن کمیشن کے اعلامیے کے مطابق خیبرپختونخوا کے 17 اضلاع میں 19 دسمبر کو بلدیاتی انتخابات ہوں گے۔

خیبرپختونخوا کے صوبائی دارالحکومت پشاور سمیت 5 میٹرو پولیٹن شہروں میں میئر کا انتخاب براہ راست ہوگا۔

خیبرپختونخوا بلدیاتی الیکشن، ووٹر کو مختلف رنگ کے 6 بیلٹ پیپرز ملیں گے، الیکشن کمیشن

الیکشن کمیشن کے اعلان کے مطابق خیبرپختونخوا کے بلدیاتی انتخابات کےلیے مختلف رنگ کے 6 بیلٹ پیپرز ہوں گے۔

اعلامیے کے مطابق پشاور میں میئر کے لیے 17 امیدواروں کے درمیان مقابلہ ہوگا، صوبائی دارالحکومت کے 8 لاکھ سے زائد ووٹر حق رائے دہی استعمال کریں گے۔

پی ٹی آئی کے محمد رضوان بنگش، جماعت اسلامی کے بحر اللّٰہ، پی پی کے ارباب زرک خان، اے این پی کے شیر رحمان، جے یو آئی کے زبیر علی اور ن لیگ کے نیک زادہ پشاور کے میئر کے لیے امیدوار ہیں۔

الیکشن کمیشن کی معاونت کیلئے بین الوزارتی رابطہ کمیٹی بنادی گئی

وفاقی کابینہ نے الیکٹرانک ووٹنگ مشین (ای وی ایم) پر بین الوزارتی رابطہ کمیٹی بنادی ہے۔

الیکشن کمیشن کے مطابق پشاور کی تحصیل پشتخرہ کےچیئرمین کے لیے 10 امیدوار میدان میں ہیں، جن میں پی ٹی آئی کے عبدالجبار، جماعت اسلامی کے فاروق خان، پی پی کے مصباح الدین، ن لیگ کےظاہرخان، اےاین پی عبدالحفیظ، جے یو آئی کے محمد ہارون شامل ہیں۔

پشاور کی تحصیل چمکنی کے چیئرمین کے لیے 9 امیدوار میدان میں ہیں، جن میں پی ٹی آئی کے نبی گل، جماعت اسلامی کے سید عابد علی شاہ، پیپلز پارٹی کے ملک امجد خان، اے این پی کے ارباب عمر خان، جے یو آئی ف کے خالد وقار اور مسلم لیگ ن کے وحید اللّٰہ بھی قسمت آزمائی کررہے ہیں۔

ای وی ایم پر بلدیاتی الیکشن، پنجاب حکومت کے فیصلے پر الیکشن کمیشن کا موقف

پنجاب حکومت کے بلدیاتی انتخابات الیکٹرونک ووٹنگ مشین( ای وی ایم) پر کرانے فیصلے پر الیکشن کمیشن نے موقف دے دیا۔

الیکشن کمیشن کے مطابق تحصیل حسن خیل کے چیئرمین کے لیے 7 امیدواروں کے درمیان مقابلہ ہوگا، جن میں پی ٹی آئی کے حفیظ الرحمان، جماعت اسلامی کے محمد عمر، اےاین پی کے محب اللّٰہ، مسلم لیگ ن کے داود خان، جے یو آئی ف کے نذر باز اور دیگر شامل ہیں۔

تحصیل متھرا کےچیئرمین کے لیے 12 امیدوار میدان میں ہیں، جن میں جماعت اسلامی کے افتخار احمد، اے این پی کے عزیز اللّٰہ، ن لیگ کے عظمت خان، پی ٹی آئی کے احتشام خان، پی پی کے علی عباس خان الیکشن لڑرہے ہیں۔

خیبرپختونخوا میں پی ٹی آئی کو امیدوار ملنے مشکل ہوگئے، امیر مقام کا دعویٰ

اپوزیشن جماعت مسلم لیگ (ن) خیبرپختونخوا کے صدر امیر مقام نے دعویٰ کیا ہے کہ صوبے کی حکمران جماعت تحریک انصاف کو امیدوار ملنے مشکل ہوگئے ہیں۔

الیکشن کمیشن کے مطابق تحصیل شاہ عالم کے چیئرمین کے انتخاب کے لیے12 امیدواروں میں مقابلہ ہوگا جبکہ تحصیل بڈھ بیر کے چیئرمین کے انتخاب کےلیے9 امیدوار میدان میں ہیں۔