شمالی کوریا کا میزائل، ہتھیار پروگرام علاقائی سلامتی متاثر کر رہا ہے، امریکی وزیر دفاع

امریکا کے وزیر دفاع لائیڈ آسٹن نے کہا ہے کہ شمالی کوریا کا میزائل اور ہتھیاروں سے متعلق پروگرام علاقائی سلامتی کو عدم استحکام کا شکار کر رہا ہے۔

امریکی وزیر دفاع گزشتہ روز جنوبی کوریا کے دورے پر سیول پہنچے ہیں جہاں انہوں نے جنوبی کوریا کے ہم منصب سے ملاقات کی۔

شمالی کوریا کا ایک اور بیلسٹک میزائل کا تجربہ

شمالی کوریا نے سمندر میں ایک اور بیلسٹک میزائل کا تجربہ کردیا

ملاقات کے بعد پریس کانفرنس میں امریکی وزیر دفاع کا کہنا تھا کہ شمالی کوریا کے ساتھ سفارتکاری کے راستے تلاش کرنا بہترین اپروچ ہے، چین کی جانب سے جولائی میں کئے گئے ہائپرسونک ٹیسٹ نے امریکی فوج کے لیے ایک مشکل چیلنج بنا دیا ہے۔

اس موقع پر جنوبی کوریا کے وزیر دفاع کا کہنا تھا کہ دونوں ممالک نے امریکی سفارتی کوششوں کی حمایت کرتے ہوئے مشترکہ دفاعی پوزیشن برقرار رکھنے پر رضامندی ظاہر کی ہے۔

شمالی اور جنوبی کوریا کی کراس بارڈرہاٹ لائن بحال

شمالی کوریا اور جنوبی کوریا نے کراس بارڈر ہاٹ لائن بحال کردی، جنوبی شمالی کوریا کے حکام نے اگست کے بعد آج دوبارہ ہاٹ لائن پر بات چیت کی

انہوں نے کہا کہ امریکا اور جنوبی کوریا نے ملٹری آپریشنل کنٹرول ٹرانسفر کے حوالے سے خاطر خواہ پیش رفت کی ہے، 2022 میں نئی ملٹری کمبائنڈ فورس کمانڈ کا جائزہ لیں گے۔