گزر بسر سلمان خان کی دی ہوئی رقم پر نہیں، آیوش شرما

بالی ووڈ سپر اسٹار سلمان خان کی چھوٹی بہن ارپیتا کے شوہر اداکار آیوش شرما نے کہا ہے کہ ان پر الزام ہے کہ ان کے پاس جو بھی کچھ ہے وہ سب سلمان خان کا دیا ہوا ہے۔

اس حوالے سے ان کا کہنا ہے کہ یہ بات درست نہیں ہے، کیونکہ وہ اپنی جیب سے اپنے اخراجات پورے کرتے ہیں اور انکا گزر بسر سلمان خان کی دی ہوئی رقم پر نہیں۔

بھارتی فلمی میڈیا ادارے سے گفتگو کرتے ہوئے آیوش شرما نے مزید کہا کہ بدقسمتی سے میری زندگی میں کچھ ایسا ہوگیا ہے کہ اب کچھ چھوٹا سا کام بھی کروں تو یہی کچھ کہا جاتا ہے، تم نے کار خریدی، اچھا یہ تو سلمان نے دلائی ہوگی، اچھا تم نے فلاں کام کیا، اچھا وہ تو سلمان نے کروایا ہوگا۔

تو میں اس پر یہ کہتا ہوں کہ میرے پاس بھی پیسے ہیں، میں ایسے ہی ادھر ادھر نہیں پھرتا، لیکن اگر آپ کو یہی سب کچھ کہنا ہے تو ٹھیک ہے، مجھے کوئی اعتراض نہیں۔

آیوش کا کہنا ہے کہ وہ تنقید اور منفی باتوں پر ناراض نہیں ہوتے، ٹرولنگ پر بھی خوش ہوتا ہوں تاہم ہمیشہ یہ بات ذہن میں ہوتی ہے کہ میں انھیں غلط ثابت کروں گا۔

انکا کہنا تھا کہ وہ تنقید پر مکمل بلاکنگ نہیں کرتے، لیکن وہ حقیقی اور غیر حقیقی تنقید میں فرق ضرور کرتے ہیں۔ دراصل حقیقی تنقید آپ کی اصلاح کرتی ہے۔