• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ میں نیا بلدیاتی نظام صوبے میں لسانیت کی راہ ہموار کریگا، ضیاء عباس

کراچی( اسٹاف رپورٹر) سینئر سیات داں اور مسلم لیگ کے سابق سکریٹری جنرل سید ضیاء عباس نے کہا ہے کہ سندھ میں نیا بلدیاتی نظام صوبے میں لسانیت کو فروغ اور اس کی تقسیم کی راہ ہموار کرے گا، سندھ حکومت نے صوبے کے شہری علاقوں کو یر غمال بنا رکھا ہے جس سے نفرتوں میں اضافہ ہوگا، انہوں نے کہا کہ وفاقی حکومت سندھ اور خاص کر کراچی کے حوالے سے اپنا کردار ادا کرے ، موجودہ بلدیاتی بل شہری اور دیہی سندھ فار مولے کی بھی نفی کرتا ہے ، اس قسم کی صورت حال سے پی پی کو نقصان پہنچنے کا اندیشہ ہے۔