انڈونیشیا: ماؤنٹ سیمیرو کا آتش فشاں پھٹ گیا، 13 افراد ہلاک

انڈونیشیا کے جزیرے جاوا میں ماؤنٹ سیمیرو کا آتش فشاں پھٹنے سے ہلاکتوں کی تعداد 13 ہو گئی۔

غیر ملکی خبر ایجنسی کے مطابق آتش فشاں سے نکلنے والی راکھ اور دھویں سے 90 سے زائد افراد زخمی ہوئے ہیں۔

ڈیزاسٹر ایجنسی حکام کے مطابق زیادہ تر زخمیوں کو گرم راکھ سے جلنے کے زخم آئے ہیں۔

انڈونیشیا میں آتش فشاں پھٹنے سے ہزاروں افراد کی نقل مکانی

جکارتہ (اے ایف پی /جنگ نیوز )انڈونیشیا میں آتش فشاں...

ماؤنٹ سیمیرو کے آتش فشاں سے گزشتہ روز راکھ اور دھواں نکلنا شروع ہوا تھا۔

آتش فشاں سے راکھ اور دھویں کے بادل 40 ہزار فٹ تک بلند ہوئے تھے جس سے نزدیکی علاقے میں اندھیرا چھا گیا تھا۔

ماؤنٹ سیمیرو انڈونیشیا کے 130 فعال آتش فشاں پہاڑوں میں سے ایک ہے۔