روپیہ کی کربناک کہانی۔۔۔۔۔۔۔۔اس کی اپنی زبانی

ایک قومی معاشی المیہ جنم لے رہا ہے اور براہ کرم پاکستانی روپیہ کی آواز کو سنیں کہ ماضی میں اس ملک کےساتھ کس طرح زیادتی ہوتی رہی ہے اور یہ مافیا نااہل اور کرپٹ لوگوں کو بااختیار بنا کر سیاسی منظرنامے کو کس طرح خراب اور تباہ کر رہا ہے۔یہ روپیہ کی کربناک کہانی۔۔۔۔۔اس کے اپنی ہی زبانی۔۔۔میرا نام ’’روپیہ‘‘ہے اور میری عمر پاکستان جتنی ہے۔ میں خوش تھا کہ اس وقت کے پرامن اور رونق والے شہر کراچی میں پیدا ہوا۔ میں فخرکے ساتھ مضبوط ہوا اور مستحکم معاشی پشت پناہی کے ساتھ اپنے بہت سے مالکان کی خدمت کرنے لگا کیونکہ میرے لئے ایمانداری اور عزت تھی جس کی وجہ سے میری قدر میں اضافہ تھا۔مجھے زندگی کے تمام شعبوں میں میرے اپنے لوگوں کی ترقی اور خوشحالی کیلئے استعمال کیا گیا کیونکہ میں اپنی ایماندارانہ ملکیت کی وجہ سے خطے میں سب سے زیادہ مضبوط بن کر ابھر رہا تھا ۔ جب تک میرے ساتھ عزت کا سلوک ہوتا رہا۔ میں ملک کو خوشحالی کی طرف گامزن کر رہا تھا میری بدقسمتی اس وقت شروع ہوئی جب میرے کرپٹ اور لالچی آقائوں نے مجھے زیادتی کا نشانہ بنایا اور کرپشن پر مجبور کیا گیاجنہوں نے مجھے اپنے طریقے اور مرضی سے استعمال کیا۔ مجھے نسلی اور فرقہ واریت کے ذریعے معاشرے میں بگاڑ پیدا کرنے کیلئے بری طرح غلط استعمال کیا۔ نسلی تقسیم کے نتیجے میں ملک دو ٹکڑے ہو گیا اور میں نے آدھا پاکستان کھو دیا۔ سٹاک ایکسچینج مافیا کے ذریعے بدسلوکی، کک بیکس، رشوت اور بدسلوکی نے مجھے مضبوطی سے جکڑ لیا اور بالآخر میں،اقتدار میں آنے والے کرپٹ اشرافیہ کی تحویل میں چلا گیا۔ پاکستان نے میری آئی ایم ایف سے شادی کر کے بدترین کام کیا اور آئی ایم ایف نے میری اصل مالیت اور قدر کو کنٹرول کرنا شروع کر دیا اور مجھے ڈالر سے جوڑ کر تباہ کر دیا۔کاش میں نے آئی ایم ایف کے ساتھ شادی نہ کی ہوتی کیونکہ میں اپنا چہرہ کھو چکا ہوں،میری قدر کھو گئی ہے اور میری مالیاتی گردش اب آئی ایم ایف کے ہاتھ میں ہے کیونکہ یہ پاکستان کے نظام کے اندر کام کرنے والے اپنے ہی لوگوں اور کارندوں کی ملی بھگت سے میرے زوال کا حکم دیتا ہے۔ پاکستانی مافیاز نے میری قدر کم کرنے کیلئے بڑی مہارت سے بنائے گئے مجرمانہ جال کے ذریعے پیسہ کمایا اور مجھے قومی قیمت پر مارا جارہا ہےاور اس سے جڑے ہوئے مافیاز کو کئی گنا بڑھا رہا ہے۔ میری قدر کو کم کرنے کیلئے میری پٹائی اندرون اور بیرون ملک ہو رہی ہے اور کمزور پٹھے والی حکومت مجھے تیزی سے گرنے کی اجازت دے رہی ہے۔ غی پیشہ ورانہ اور غیر منصفانہ سلوک نے اب میرے لئے منفی اسکور 177 کر دیا ہے۔ بہت سی جغرافیائی سیاسی سازشیں اور مختلف اطراف سے معاشی مخالف حملے مجھ پر اثرانداز ہو رہے ہیں۔ دیکھو میرا قد کس طرح گھٹایا دیا گیا ہے۔1947سے 1957تک ایک ڈالر کی قیمت 3 روپے 31پیسے سے 4روپے 76 پیسہ تھی اور 1977سے 1987کے دوران میری ڈالر کے مقابلے میں 9روپے 90 پیسے تھی جو گرتے ہوئے 16روپے 64پیسے ہو گئی 1987سے 1997کے درمیان میری قدر 16روپے 64پیسے سے کم ہوتے ہوتے 41روپے 11پیسے ہو گئی۔ 1997سے 2007کے عرصہ میں میری قدر 41روپے 11 پیسے سے کم ہوتے ہوتے 60روپے 73پیسہ رہ گئی 2007سے 2015کے عرصہ میں میری قدر مزید کم کر دی گئی اور میری قیمت ڈالر کے مقابلہ میں گر گئی اور ایک ڈالر کی قیمت 41روپے 11پیسہ سے بڑھ کر 102روپے 76پیسہ ہو گئی۔ 2015سے 2021کے دوران میری قدر اتنی گری کہ ڈالر 102روپے 76پیسے سے بڑھ کر 176روپے 95پیسے کا ہوگیا۔اگر آپ میری قدر میں اضافے

کے رجحان کو دیکھیں تو میرے ملک کے قیام کے ابتدائی دور نے مجھے ایک مستحکم عزت اور قدر عطا کی تھی جبکہ جب ملک ہزار سالہ دور میں داخل ہوا تو میری قدر میں اتنی کمی آنے لگی کہ 2015 کے بعد کے سال بدترین ہو گئے۔ میری زندگی کا وہ دور جب میری بے دردی سے بے توقیری کی گئی اور قدر گرگئی میں 2015کے بعد سے گر گیا، اور پھر ناگوار سلوک شروع ہوا کیونکہ میرے مالک میں یا تو میرے ساتھ اچھا سلوک کرنے کی صلاحیت نہیں تھی یا وہ کرپٹ اور خودغرض ہو گئے تھے کہ انہیں نہ میری پرواہ تھی اور نہ ہی کسی عام آدمی کی۔ میرے اور میرے عام آدمی کے درمیان گہرا رشتہ ہے جہاں کرپٹ امیر لوگ مجھے ڈالروں کے عوض بیچ دیتے ہیں اور اس طرح میرے اور ان کے درمیان رابطہ منقطع کر دیتے ہیں۔ غریب آج بھی مجھے اپنے سپنے یا گھر کے کسی محفوظ کونے میں رکھتے ہیں۔ میرے مالی محافظ مجھے ڈالر خریدنے کیلئے پرنٹ کرواتے ہیں۔ اگر چہ میں ریاست کی ریڑھ کی ہڈی ہوں،پھر بھی ہمیشہ ان حملوں کی زد میں ہوں جنہوں نے مجھے بین الاقوامی مالیاتی منڈی میں کھیلنے کیلئے پہلے ہی کمزور کر دیا ہے۔ میرا نام’’روپیہ‘‘ہر ایک کو بہت پیارا ہے اور اگر یہ نیچے جاتا ہے تو یہ نظام کو تباہ کر دیتا ہے لیکن پاکستان کی سلامتی کو بھی خطرے میں ڈالتا ہے۔ میں آئی ایم ایف کے مہلک کینسر اور مہنگائی کے غلط اثرات اور اس مالیاتی کینسر کے علاج کیلئے تعینات نااہل ڈاکٹروں کے علاج کے نام پر غلط ہاتھوں میں جانے کی وجہ سے بھی ختم ہو رہا ہوں۔ میری قدر میں کمی کی بروقت انتباہ کے باوجود،کوئی علاج نہیں کیا گیا ہے بلکہ 6بلین ڈالر مالیت کے ٹن فوڈ وغیرہ کی درآمد نے میری مصیبت میں اضافہ کیا ہے۔اگر آپ نے میرے اس کینسر کا علاج نہ کیا تو مجھے ڈر ہے کہ پاکستان کے دشمن میری موت کو پاکستان کی موت کے طور پراستعمال کریں گے۔ ہم قومی دیوالیہ پن کی شکست سے صرف کچھ انچ دور ہیں۔روپیہ اور پاکستان کے آئیکون کے طور پرمیں اس ملک میں اہمیت رکھنے والے ہرفرد سے اپیل کرتا ہوں کہ وہ مجھے اس کینسر زدہ علاقے میں جانے سے بچائیں جہاں ایک ڈالر کی قیمت 200 روپے ہو جائے۔میں چاہتا ہوں کہ میرا پاکستان خوشحال ہو اور میری زوال پذیری کو روکا جائے،ڈالر کا دوسرا خطرناک کینسر مجھے واپسی کی طرف دھکیل دے گا۔میری قدر کوبحال کرنے،مستحکم کرنے اور آئی ایم ایف اور اس کے ادا شدہ اسپن ماسٹرز سے محفوظ رکھنے کی ضرورت ہے۔ ایک وقت تھا جب میں اس ملک کیلئے ایک زبردست اثاثہ تھاجبکہ اب مجھے ناقابل واپسی ڈیپلیٹنگ موڈ(کم قدر والےموڈ)میں تبدیل کیا جا رہا ہے۔ میں نے وقت پر اپنی بے قدری اور بے توقیری کی تحریری اپیل کی ہے اور مجھے امید ہے کہ حکومت اصلاحی اقدامات کرے گی اور روپے کی اس قدر کو بری طرح شکست دینے پر توجہ دے گی۔میں شاید کاغذ کا ایک ٹکڑا یا ایک سکہ ہوں لیکن لوگوں کو نظرانداز نہیں کرنا چاہئے کیونکہ میں معیشت اور معاشرے میں توازن برقرار رکھنے کا بنیادی پیمانہ ہوں۔ اگر لوگ میری عزت کریں اور میرے استعمال کا غلط استعمال نہ کریں تو شاید میں ہی واحد بے آواز اور بے جان قسم کا جزو ہوں جو قوموں، عوام،حکومتوں،سیاسی جماعتوں کو مضبوط اور طاقتور بناتا ہے۔ بدقسمتی سے مجھ سے حاصل کردہ طاقت کا بدعنوانی کےمعاملے میں مسلسل غلط استعمال کیا جارہا ہے اور یہاں تک کہ میں طاقت میں توازن پیدا کرنے کا عادی ہوں۔ سیاسی اشرافیہ مجھے کرپشن کوفروغ دینے کیلئے استعمال کرتے ہیں لیکن کوئی بھی شخص اس وقت تک پارلیمنٹ میں نہیں جا سکتا جب تک کہ مجھے اپنے بروقت باس کی سیٹ جیتنے کیلئے سوٹ کیسوں میں بند کرکے سیاسی مالکان کے حوالے نہ کیا جائے۔سیاسی کارکن اپنے لیڈروں کے بارے میں نعرے لگاتے ہیں کہ وہ اپنی طاقت دکھاتے ہیں لیکن اصل میں میں ہی ہوں جو طاقتور ہوں۔میرے غلط استعمال نے ہمارے پاکستان کو تباہی کے دہانے پر پہنچا دیا ہے۔ اگر آپ ایک مضبوط پاکستان چاہتے ہیں تو مجھے مضبوط کرنے کا وقت آ گیا ہے کیونکہ میں آپ کے دفاع کا آلہ اور خوشحالی کی علامت ہوں۔نوٹ:مذکورہ بالا خیالات صرف اور صرف میرے اور قومی مفاد میں ہیں اور ضروری نہیں کہ وہ میری پارٹی کے خیالات کی نمائندگی کریں ۔

rmalik1212@gmail.com، Twitter @Senrehmanmalik