حارث روف ایک بار پھر بگ بیش لیگ کھیلیں گے

قومی کرکٹ ٹیم کے فاسٹ بولر حارث روف ایک بار پھر آسٹریلوی ٹی 20 لیگ بگ بیش ( بی بی ایل) کھیلیں گے، وہ میلبرن اسٹارز کی نمائندگی کریں گے۔

لاہور قلندرز کے پلیٹ فارم سے حارث روف کا دو برس پہلے میلبرن اسٹارز سے معاہدہ ہوا تھا۔

کوچ میلبرن اسٹارز ڈیوڈ ہسی کا کہنا ہے کہ لاہور قلندرز کے سید فریدون ڈبیو کر چکے ہیں اور اس سیزن میں اب حارث روف بھی ٹیم کا حصہ ہوں گے۔

لاہور قلندرز کے تیسرے کھلاڑی کی بگ بیش لیگ میں انٹری

لاہور قلندرز کے پلئیرز ڈویلپمنٹ پروگرام کے لیفٹ آرم اسپنر سید فریدون کا آسٹریلوی ٹی 20 لیگ بگ بیش ( بی بی ایل) میں معاہدہ ہوگیا ہے۔

ڈیوڈ ہسی نے کہا کہ حارث روف ٹیم کا حصہ بننے کے لئے شدت سے منتظر ہیں ان کی وجہ سے بولنگ کی کوالٹی اور انرجی بڑھے گی۔

حارث روف پہلا میچ برسبین ہیٹ کے خلاف 27 دسمبر کو کھیلیں گے ان کی میچ میں شرکت کورونا پروٹوکولز سے مشروط ہے، وہ بی بی ایل کے اختتام تک میلبرن اسٹارز کو دستیاب ہوں گے۔