فرمان الہی
نماز کے اوقات
کراچی (اسٹاف رپورٹر) پاکستان کے سابق کپتان شاہد خان آفریدی پاکستان سپر لیگ سیون میں آخری بار کوئٹہ گلیڈی ایٹرز کے لئے ایکشن میں دکھائی دیں گے۔ وہ ٹورنامنٹ کے بعد کرکٹ سے ریٹائر ہوجائیں گے۔ ان کا کہنا ہے کہ کوئٹہ گلیڈی ایٹرز جوائن کرنے کے لئے بہت پرجوش ہوں یہ میری الوداعی پی ایس ایل ہے خواب ہے کہ اختتام ٹرافی کے ساتھ ہو ۔ پی سی بی نے جمعرات کو کھلاڑیوں کی ٹریڈنگ کا اعلان کیا۔ ملتان سلطانز اور کوئٹہ گلیڈی ایٹرز نے ٹریڈ کی ہے ۔ مڈل آرڈر بیٹسمین افتخار احمد اسلام آباد یونائیٹڈ چھوڑ کر کوئٹہ گلیڈی ایٹرز کا حصہ بن گئے ہیں۔ جیمز ونس بھی کوئٹہ کی نمائندگی کریں گے۔ سب سے دلچسپ ٹریڈنگ معین خان کے بیٹے اعظم خان کی ہوئی ہے۔ سرفراز احمد کی موجودگی میں اعظم خان نے کوئٹہ کو خیر باد کہہ کر اسلام آباد یونائیٹڈ جوائن کر لی ہے۔ اسلام آباد نے پاکستان کے سب سے کامیاب ٹی ٹوئنٹی کھلاڑی افتخار احمد کو اعظم خان سے ٹریڈ کیا ہے۔ اتوار کو پی ایس ایل ڈرافٹ لاہور میں ہوگا۔ ملتان سلطانز نے کوئٹہ گلیڈی ایٹرز کی ڈائمنڈ اور سلور راونڈز کی پکس لی ہیں ۔
