فرمان الہی
نماز کے اوقات
قومی ٹیم کے سابق کپتان اور کوئٹہ گلیڈی ایٹرز کے کپتان سرفراز احمد نے کہا ہے کہ شاہد خان آفریدی لیجنڈ ہیں، اُن سے پاکستان سپر لیگ (پی ایس ایل) میں فائدہ اٹھانے کی کوشش کریں گے۔
میڈیا سے گفتگو میں سرفراز احمد نے شاہد خان آفریدی کا کوئٹہ گلیڈی ایٹرز کا حصہ بننے پر خوشی کا اظہار کیا ،اُن کا کہنا تھا کہ وائٹ بال میں کسی ٹیم کو کمزور نہیں سمجھا جاسکتا۔
انہوں نے کہا کہ میں پاکستانی لیجنڈ کے ساتھ پہلے بھی کھیل چکا ہوں اور اب پی ایس ایل سیز ن کھیلوں گا۔
قومی ٹیم کے سابق کپتان نے مزید کہا کہ افسوس ہے کراچی سے انڈر 14، انڈر 15 اور 16 کرکٹ ختم ہوچکی ہے۔
ان کا کہنا تھا کہ سرفراز کرکٹ اکیڈمی کے گراؤنڈ سے متعلق حکومتی اداروں کے کئی چکر لگائے، ناظم آباد بلاک این میں قائم کرکٹ گراؤنڈ میں سہولتوں کی کمی ہے۔
صحافی نے سرفراز احمد سے استفسار کیا کہ’اپنا مستقبل کہاں دیکھ رہے ہیں؟‘ اس پر جواب دیتے ہوئے قومی ٹیم کے سابق کپتان نے کہا کہ ’ابھی تو میں جوان ہوا ہوں‘۔
