فرمان الہی
نماز کے اوقات
کراچی (ٹی وی رپورٹ)وفاقی وزیر منصوبہ بندی اسد عمر نے پیپلزپارٹی کے چیئرمین بلاول بھٹو زرداری سے سوال کیا ہے کہ بیٹا 50 سال پہلے آپ کے نانا ذوالفقار علی بھٹو اقتدار میں تھے ‘آپ کو اور کتنا وقت چاہئے ۔جمعہ کو گرین لائن بس منصوبے کی افتتاحی تقریب سے خطاب کرتے ہوئے اسد عمر کا کہنا تھاکہ بلاول کہتے ہیں ہمیں وقت چاہئے ،تو بیٹا آپ کے ناناپچاس سال پہلے سے حکمراں رہے ہیں‘ پیپلزپارٹی 6بار صوبے اور چار بار وفاق میں حکمراںرہی ہے ‘ آپ کو اورکتنا وقت چاہئے ‘آپ سندھ کا نام لیتے ہیں اور عمران خان کی حکومت کام کرتی ہے‘پیپلز پارٹی سندھ میں ایک موٹروے نہیں بناسکی،وزیراعلیٰ سندھ مراد علی شاہ ویکسین تو خرید نہیں سکے ایک بس ہی خرید لیتے‘گزشتہ ورز مزاحیہ خاکہ چل رہاتھا، ایک صاحب افتتاح کرنے آگئے‘ آئندہ چند ماہ میں حیدرآباد ، سکھر موٹروے کا افتتاح ہوگا‘آئندہ ایک ماہ کے اندر کے فور منصوبے کی منظوری ہوجائے گی، جس کے ذریعے وفاق کراچی کو 26کروڑ گیلن پانی فراہم کرے گا۔
