فرمان الہی
نماز کے اوقات
لندن(آئی این پی)مسلم لیگ ن کی جانب سے لندن کو ایک مرتبہ پھر سیاسی سرگرمیوں کا مرکز بنانے کا فیصلہ کر لیا گیاہے اور نواز شریف لندن میں ہی بیٹھ کر اہم پارٹی قائدین سے ملاقاتیں کر کے انہیں اپنی سیاسی چالوں کے حوالے سے ہدایات دے رہے ہیں ۔ ذرائع کے مطابق مسلم لیگ ن کے قائد نواز شریف سے سابق سپیکر سردار ایاز صادق نے ملاقات کی، اس اہم ملاقات میں سابق وزیر خزانہ اسحاق ڈار اور سینئر رہنما عابد شیر علی بھی شریک ہوئے۔ ایاز صادق نے حالیہ مشترکہ اجلاس میں قانون سازی اور پارلیمانی حکمت عملی پر پ تفصیل سے آگاہ کیا ۔ملاقات میں ملکی سیاسی صورتحال اور پارلیمانی امور پر تبادلہ خیال کیا گیا۔ذرائع کے مطابق نوازشریف نے اہم ترین قانون سازی کو بلڈوز کرنے پر اظہار افسوس کرتے ہوئے کہاکہ حکومت نے پارلیمنٹ کو تماشا اور ربڑ اسٹیمپ بنا دیا ہے۔انہوں نے ہدایت جاری کی کہ ن لیگ پارلیمنٹ میں موثر کردار ادا کرے ۔ ملاقات میں ایاز صادق نے انہیں ایک فہرست بھی پیش کی جس میں مبینہ طور پر ان افراد کے نام ہیں جو ن لیگ میں آنا چاہتے ہیں۔نوازشریف نے ان ہاؤس تبدیلی کے امکانات پر بھی تفصیلی گفتگو کی اور بلدیاتی انتخابات میں کامیابی یقینی بنانے پر بھی زور دیا۔
