فرمان الہی
نماز کے اوقات
پاکستان پیپلز پارٹی کی سابق چیئر مین، پاکستان کی سابق وزیر اعظم، بینظیر بھٹو کے سال 2007 میں کوئٹہ میں کیے گئے آخری دورے کی یاد گار تصویر زیر گردش ہے۔
سابق سینیٹر روزی خان ککڑ نے بینظیر بھٹو کی یاد گار تصویر شیئر کرتے ہوئے کیپشن میں بتایا ہے کہ ’آج کے دن 15دسمبر 2007 ء کو شہید محترمہ بینظیر بھٹو نے ہاکی گراؤنڈ کوئٹہ میں آخری بار عوام سےخطاب کیا تھا۔‘
سابق سینیٹر روزی خان ککڑ کا مزید کہنا تھا کہ ’آج بھی بینظیر بھٹو عوام کی دلوں میں زندہ ہیں۔‘
اس ٹوئٹ میں بینظیر بھٹو کے صاحبزادے پی پی چیئر مین بلاول بھٹو زرداری کو بھی ٹیگ کیا گیا ہے۔
واضح رہے کہ رواں ماہ کی 27 تاریخ کو بینظیر بھٹو کی برسی منائی جائے گی جس کی تیاریوں کا آغاز کر دیا گیا ہے۔
بینظیر بھٹو پاکستان کی دو بار، 11ویں اور 13 ویں وزیر اعظم رہ چکی ہیں مگر دونوں بار مدّت وزارت پوری نہ کرسکی تھیں۔
بینظیر بھٹو پاکستان کی پہلی وزیراعظم سن 1988ء سے 1990ء تک جبکہ دوسری بار 1993ء سے 1996ء تک وزیراعظم پاکستان رہی تھیں۔
