فرمان الہی
نماز کے اوقات
مسلم لیگ نون کی نائب صدر مریم نواز اور کیپٹن (ر) صفدر اعوان کے بیٹے جنید صفدر کے ولیمے کی شیروانی کی خاص بات سامنے آگئی۔
ایک ہفتے تک جاری رہنے والی شادی کی رنگا رنگ تقریبات کے بعد بالآخر جنید صفدر کا گزشتہ روز ولیمہ بھی ہوگیا جس میں اُنہوں نے ڈیزائنر فراز منان کی تیار کردہ کلاسک کشمیری شیروانی زیب تن کی۔
اب سوشل میڈیا پر جنید صفدر کی شیروانی کی خاصیت کے چرچے ہورہے ہیں کہ ڈیزائنر نے اُن کی شیروانی کے بٹنز خصوصی طور پر تیار کیے۔
وائرل ہونے والی تصویر میں دیکھا جاسکتا ہے کہ جنید صفدر کی شیروانی کے بٹنز پر ’شیر‘ کی تصویر شائع کی گئی جس کی وجہ سے اُن کا یہ لباس منفرد لگا۔
دوسری جانب جنید صفدر کی دلہن عائشہ سیف بھی پستہ رنگ کے خوبصورت لباس میں شاندار لگ رہی تھیں، اُنہوں نے سلور رنگ کی خوبصورت ہیروں سے جڑی جیولری کا انتخاب کیا اور ساتھ ہی ہلکا میک اپ کیا۔
واضح رہے کہ جنید صفدر کے ولیمے کی تقریب کا اہتمام شریف خاندان کی جاتی امرا کی رہائش گاہ پر کیا گیا تھا، خاندان کے ترجمان کے مطابق، مہمانوں کو سختی سے مشورہ دیا گیا تھا کہ وہ حفاظتی اقدامات کے باعث اپنے دعوت کے کارڈز ساتھ رکھیں۔
جنید صفدر اور عائشہ سیف کا نکاح 22 اگست کو لندن میں ہوا تھا اور سوشل میڈیا پر اِن کے نکاح کی تصویریں اور ویڈیوز بھی خوب وائرل ہوئی تھیں۔
