فرمان الہی
نماز کے اوقات
افغانستان کے وزیرِ خارجہ امیر خان متقی وفد کے ہمراہ کابل سے پاکستان کے لیے روانہ ہو گئے۔
افغان میڈیا کے مطابق افغان وزیرِ خارجہ وفاقی دارالحکومت اسلام آباد میں ہونے والے اسلامی ممالک کی تعاون تنظیم (او آئی سی) کے اجلاس میں شرکت کریں گے۔
افغان وزیرِ خارجہ امیر خان متقی نے پاکستان روانگی سے قبل کابل ایئر پورٹ پر صحافیوں سے گفتگو کرتے ہوئے کہا کہ افغان سر زمین کسی دوسرے ملک کے خلاف استعمال نہیں ہونے دیں گے۔
افغانستان کے وزیرِ خارجہ امیر خان متقی کا یہ بھی کہنا تھا کہ پاکستان میں ہونے والا او آئی سی کا اجلاس افغانستان کے لیے انتہائی اہم ہے۔
او آئی سی وزرائے خارجہ کونسل کا کل اسلام آباد میں غیر معمولی اجلاس ہو گا جس میں شرکت کے لیے بوسنیا کی وزیرِ خارجہ اسلام آباد پہنچ گئیں۔
