بھارت: مہاراشٹر میں 48 بچوں میں کورونا کی تصدیق، اسکول بند کردیا گیا

بھارتی ریاست مہاراشٹر کے ایک اسکول میں 48 بچوں اور تین اسٹاف ممبر کے کورونا وائرس ٹیسٹ مثبت آنے پر اسکول کو بند کردیا گیا، اس سے قبل ایک اور اسکول کے 19 طلبہ میں بھی کورونا وائرس کی تصدیق ہوئی تھی۔

محکمہ صحت کا کہنا ہے کہ اسکول میں موجود تمام بچوں اور عملے کا پی سی آر ٹیسٹ کیا گیا تھا، جس کے بعد 51 لوگوں میں کورونا وائرس کی تشخیص ہوئی۔

عمان آنے والے غیرملکیوں کیلئے کورونا ویکسین کی 2 خوراکیں لازمی قرار

عمانی خبر ایجنسی کا کہنا ہے کہ کورونا وائرس سے بچنے کے لیے ویکسین کی 2 خوراکیں لگوانے والوں کو سلطنت عمان آنے کی اجازت ہوگی۔

ہیلتھ آفیسر کا کہنا ہے کہ ان تمام لوگوں کے کورونا وائرس مثبت آنے کے بعد تمام افراد کو اسپتال میں قرنطینہ کردیا گیا ہے، تاہم ان میں سے بیشتر طلبہ کی طبیعت بہتر ہے۔

مقامی انتظامیہ کا کہنا ہے کہ اس اسکول میں 400 سے زیادہ طلبہ زیر تعلیم ہیں جہاں پانچویں سے لے کر بارہویں جماعت تک کے طلبہ تعلیم حاصل کرتے ہیں۔

خیال رہے کہ امریکا سمیت مختلف ممالک میں کورونا وائرس کے اومی کرون ویرینٹ کے پھیلاؤ میں تیزی آگئی ہے۔

فلسطین میں اومی کرون کا پہلا کیس سامنے آگیا

فلسطینی وزارت صحت کا کہنا ہے کہ اومی کرون ویرینٹ تیزی سے پھیلنے کے امکان موجود ہیں۔

غیر ملکی میڈیا کی رپورٹ کے مطابق اس پھیلاؤ کی وجہ سے محدود اسٹاف والی متعدد ایئر لائنز کے پائلٹس، فلائٹ اٹینڈنٹس اور دیگر ملازمین وائرس کی زد میں آگئے۔

اسٹاف کی کمی پر کئی ایئرلائنز کو کرسمس ویک اینڈ پر دنیا بھر میں 6 ہزار سے زائد پروازیں منسوخ کرنا پڑگئیں۔

دوسری جانب امریکا آنے اور جانے والی 1700 پروازیں بھی منسوخ کی گئیں۔