عالمی حالات میں صدر پیوٹن کا دلیرانہ بیان خوشگوار ہوا کا جھونکا ہے، شجاعت حسین

حکومتی اتحادی جماعت مسلم لیگ (ق) کے سربراہ اور سابق وزیراعظم چوہدری شجاعت حسین نے روسی صدر ولادیمیر پیوٹن کو خراجِ تحسین پیش کیا۔

ایک بیان میں چوہدری شجاعت حسین نے توہینِ رسالت صلی اللّٰہ علیہ وسلم کی دلیرانہ مذمت پر روسی صدر کو خراجِ تحسین پیش کیا ہے۔

انہوں نے کہا کہ مسلمانوں کے لیے نبی اکرم صلی اللّٰہ علیہ وسلم سب سے زیادہ پیارے ہیں، ہم حضرت محمد صلی اللّٰہ علیہ وسلم کو اپنی جان، مال اور اولاد سے بڑھ کر عزیز رکھتے ہیں۔

ناموس رسالت پر پیوٹن کا موقف عالم اسلام کی ترجمانی ہے، طاہر اشرفی

وزیراعظم عمران خان کے نمائندہ خصوصی برائے مذہبی ہم آہنگی علامہ طاہر اشرفی نے ناموس رسالت صلی اللہ علیہ وسلم سے متعلق روسی صدر کے بیان کو سراہا ہے۔

سابق وزیراعظم نے مزید کہا کہ صدر پیوٹن کی دبنگ شخصیت کے معترف ہیں، موجودہ عالمی حالات کے تناظر میں ان کا دلیرانہ بیان خوشگوار ہوا کا جھونکا ہے۔