وفاقی وزیرداخلہ چوہدری نثار نے کہا ہے کہ تحفظات کے باوجود ہم چاہتے ہیں کہ پاکستان اور امریکا کے تمام معاملات بات چیت کے ذریعے طے کئے جائیں،ضروری ہے کہ پاکستان کے نقطہ نظر اور اس کی خودمختاری کو ملحوظِ خاطر رکھا جائے، مستحکم اور پر امن افغانستان نا صرف پاکستان بلکہ پورے خطے کے مفاد میں ہے۔
وزیرداخلہ چوہدری نثار سے امریکا کے خصوصی مندوب برائے افغانستان و پاکستان رچرڈ اولسن اور امریکی سفیر ڈیوڈ ہیل نے ملاقات کی، ملاقات میں پاک امریکہ تعلقات، دوطرفہ تعاون، خطے کی مجموعی بالخصوص افغانستان کی صورتحال پر تبادلہ خیال کیا گیا۔
وزیرداخلہ کا کہنا تھا کہ مستحکم اور پر امن افغانستان نا صرف پاکستان بلکہ پورے خطے کے مفاد میں ہے اورافغان مسئلے کا واحد حل ڈائیلاگ ہے۔
انہوں نے کہا کہ پاکستان کو ایف16کی فنڈنگ روکنے کی امریکی پالیسی پر تحفظات ہیں، پاکستان امریکا سے اپنے ہمہ جہتی تعلقات میں مزید وسعت چاہتا ہے، ضروری ہے کہ پاکستان کے نقطہ نظر اور اس کی خودمختاری کو ملحوظِ خاطر رکھا جائے،
رچرڈ اولسن نے کہا کہ امریکا افغانستان میں دیرپا امن کے قیام کے لئے پاکستان کے کردار اور کوششوں کی قدر کرتا ہے، کچھ مسائل اور مشکلات کے باوجود امریکی حکومت پاکستان سے تعلقات کو بہت اہمیت دیتی ہے اور اسے مزید وسعت دینا چاہتی ہے، دونوں رہنماؤں نے امن کی خاطر مفاہمتی عمل کو آگے بڑھانے پر اتفاق کیا۔
فرمان الہی
نماز کے اوقات
