فرمان الہی
نماز کے اوقات
کوئٹہ ( نمائندہ جنگ) مشرقی بائی پاس سے ایک ہفتہ قبل اغوا ہونے والی6سالہ بچی کا اغوا کار مولوی نکلالیویز اورکوئٹہ پولیس نے برشور میں کارروائی کرتے ہوئےبچی کو بازیاب کرا کے اغوا کار کو گرفتار کرلیا۔
پولیس کے مطابق مشرقی بائی کے علاقے دائود ٹائون کے رہائشی سعد اللّٰہ کی چھ سالہ بچی بی بی گل جمعہ کو اغو ا کیا گیا تھا، پولیس نے مقدمہ درج کر کے اغوا کاروں کی تلاش شروع کر دی تھی۔
ایس پی سریاب ڈویژن اخلاق اللّٰہ تارڈ کو خفیہ اطلاع ملی تھی کہ اغوا کار بچی کو برشور لے گیا ہے جس پرایس ایچ او عبدالخالق شہید تھانہ نور الحسن اور انوسٹی گیشن ٹیم کے ہمراہ برشور پہنچے اور اسسٹنٹ کمشنر برشور اور لیویز کی نفری کے ہمراہ ایک کلی میں کارروائی کیلئے گئے۔
وہاں کے اہل علاقہ نے پہلے ہی ایک اغوا کار کو پکڑ رکھا تھا جسے لیویز کے حوالے کر کےبچی کو ایک مکان سے بازیاب کر لیاگیا۔
لیویز نے ضروری کارروائی کر کے اغوا کار کو کوئٹہ پولیس کے حوالے کر دیا پولیس ذرائع نے بتایا کہ اغوا کار کا نام محمد بنی ہے جودائود ٹائون کے مدرسے کا مولوی ہے اور بچوں کو دینی تعلیم دیتا ہے۔
ایک ہفتہ قبل بھی بچوں کو تعلیم دینے کے بعد بچی گل جمعہ کو اپنے پاس روک لیا اور ایک رکشے میں لے کر غائب ہو گیا تھا پولیس نے اغوا کار کو کوئٹہ منتقل کر کے مزید تفتیش شروع کر دی ۔
