• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلال یاسین پر حملہ، پستول پر لگے نمبرز سے ملزمان کی چھیڑ چھاڑ کا انکشاف

تازہ ترین
قومی خبریں
02 جنوری ، 2022


مسلم لیگ نون کے رہنما و ایم پی اے بلال یاسین پر حملے کی تحقیقات جاری ہیں جن میں انکشاف ہوا ہے کہ ملزمان نے پستول پر لگے نمبرز سے چھیڑ چھاڑ کی۔

لاہور پولیس کو گزشتہ شام جائے وقوع کے نزدیک سے مذکورہ پستول ملا تھا۔

پولیس ذرائع کا کہنا ہے کہ پستول سے فنگر پرنٹس ضائع ہو گئے ہیں جبکہ گولیوں پر موجود انگلیوں کے نشانات کا فرانزک کرانے کا فیصلہ کیا گیا ہے۔

بلال یاسین پر گولیاں کس نے چلائیں؟

پاکستان مسلم لیگ نون کے رکنِ پنجاب اسمبلی بلال یاسین پر لاہور میں گولیاں کس نے چلائیں؟ ملزمان کہاں سے آئے؟ کہاں گئے؟ اس حوالے سے ملزمان کی سی سی ٹی وی ویڈیو سامنے آ گئی۔

پولیس ذرائع نے مزید بتایا ہے کہ بلال یاسین پر حملے میں استعمال ہونے والا پستول دیسی ساخت کا ہے، جس پر لگے نمبرز کے ذریعے مالک کی شناخت مشکل ہے۔

پولیس ذرائع کے مطابق پستول پر لگے نمبرز کو ٹمپرڈ کیا گیا ہے، ملنے والے اس 9 ایم ایم پستول کے میگزین سے 9 گولیاں برآمد ہوئی ہیں۔

واضح رہے کہ ایک روز قبل سابق کونسلر میاں اکرم سے ملنے کے لیے جاتے ہوئے بلال یاسین پر لاہور میں موہنی روڈ کے علاقے میں قاتلانہ حملہ ہوا تھا۔

بلال یاسین کا کامیاب آپریشن، حالت خطرے سے باہر

گزشتہ روز لاہور کے علاقے موہنی روڈ میں قاتلانہ حملے میں شدید زخمی ہونے والے پاکستان مسلم لیگ نون کے رکنِ صوبائی اسمبلی بلال یاسین کا آپریشن مکمل ہو گیا جس کے بعد ان کی حالت خطرے سے باہر ہے۔

میاں اکرم کے گھر کے باہر بغیر نمبر پلیٹ کی موٹر سائیکل پر سوار 2 حملہ آوروں نے بلال یاسین پر فائرنگ کی تھی، جنہیں ایک گولی پیٹ اور دوسری بائیں ٹانگ پر لگی تھی۔

حملہ آوروں نے جینز کی پینٹ اور جیکٹس پہن رکھی تھیں جو حملے کے بعد باآسانی فرار ہو گئے تھے۔

قومی خبریں سے مزید