فرمان الہی
نماز کے اوقات
کراچی ( اسٹاف رپورٹر) آسٹریلیا کے عظیم لیگ اسپنر شین وارن نے کہا کہ آسٹریلیا کا دورہ پاکستان انتہائی اہم ہے۔ پاکستان، سری لنکا، بنگلہ دیش اور اس طرح کی جگہوں پر جانے کے لیے آپ کو آسٹریلیا، نیوزی لینڈ، بھارت اور انگلینڈ کی ضرورت ہے۔ اتوار کو سڈنی ٹیسٹ کے دوران تبصرہ کرتے ہوئے انہوں نے کہا کہ جوش و خروش، پھر پیسہ اور ٹی وی کے حقوق کی آمدنی سے آتا ہے۔ ٹیموں کے لیے وہاں جانا واقعی اہم ہے۔ انہوں نے اس بات پر افسوس کا اظہار کیا کہ پاکستانی ٹیم کے کچھ کھلاڑیوں نے پاکستان میں کوئی ٹیسٹ میچ نہیں کھیلا ہے حالانکہ ہوم سیریز سے کھلاڑیوں میں اعتماد آتا ہے۔ انگلینڈ کے سابق کپتان مائیکل وان نے کہا کہ ‘دی بگ 3’ (بھارت، آسٹریلیا، انگلینڈ) کے پاس تمام پیسہ ہے اور ان کے لیے دوسرے ممالک کی دیکھ بھال کرنا ضروری ہے، لہذا آسٹریلیا اسی صورت میں پاکستان کا دورہ کر سکتا ہے جب اسے سیکورٹی کے لیے گرین سنگل مل جائے۔
