کراچی: گلستان جوہر میں لڑکی کا قتل، ملزم باپ کو جیل بھیج دیا گیا

کراچی کے علاقے گلستان جوہر میں 17 نومبر کو باپ کے ہاتھوں سگی بیٹی کے مبینہ قتل کے کیس کی سماعت ہوئی جس میں جوڈیشل مجسٹریٹ شرقی نے ملزم کو جیل بھیج دیا۔

عدالت نے تفتیشی افسر سے آئندہ سماعت پر کیس کا چالان طلب کرلیا۔

پولیس کا کہنا ہے کہ ملزم نے فائرنگ کر کے اپنی بیٹی کو مارا اور پھر نامعلوم ملزم کے خلاف مقدمہ درج کروایا ۔

تفتیشی افسر کا کہنا ہے کہ ملزم نے اپنی بیٹی کو پڑوسی کے ساتھ ناجائز تعلقات کے شبہے میں قتل کیا تھا، موقع واردات سے ملنے والا خول ملزم کے پستول سے ہی فائر کیا گیا تھا۔

کراچی: گلستان جوہر میں مدعی مقدمہ ہی اپنی بیٹی کا قاتل نکلا، ملزم گرفتار

ملزم زین العابدین عدیل لاشاری کو بھی قتل کرنا چاہتا تھا لیکن وہ اپنے والدین کے ساتھ وقوعہ والے روز ہی کسی اور مقام پر منتقل ہوگیا تھا۔

دوران تفتیش ملزم نے انکشاف کیا کہ وقوعہ والے روز اس نے باقاعدہ پلاننگ کے تحت اپنے گھر کے پچھلے دروازے پر دستک دی اور جونہی قمروش نے دروازہ کھولا اپنے پستول سے اس کے سر پر ایک فائر کیا جس سے وہ موقع پر ہی ہلاک ہوگئی جس کے بعد وہ پچھلی گلی سے ہی فرار ہوگیا اور پھر اپنی بیوی کے فون کرنے پر چند لمحوں میں ہی واپس گھر پہنچ گیا۔