نواز شریف عدم واپسی، شہباز شریف کی نااہلی کیلئے عدالت سے رجوع کا فیصلہ

وفاقی حکومت نے اپوزیشن لیڈر شہباز شریف کے خلاف لاہور ہائیکورٹ سے رجوع کرنے کا فیصلہ کیا ہے۔

وفاقی کابینہ اجلاس کے بعد میڈیا بریفنگ میں فواد چوہدری نے کہا کہ حکومت نے سابق وزیراعظم نواز شریف کے واپس نہ آنے پر شہباز شریف کے خلاف لاہور ہائیکورٹ سے رجوع کرنے کافیصلہ کیا گیا ہے۔

انہوں نے کہا کہ کابینہ نے اٹارنی جنرل کو نواز شریف کےواپس نہ آنے کے معاملے میں اپوزیشن لیڈر اور ن لیگی صدر کے خلاف عدالت سے رجوع کرنے کی ہدایت کردی۔

سانحہ مری پر فواد چوہدری کا اپوزیشن کو چیلنج

وفاقی وزیر اطلاعات و نشریات فواد چوہدری نے اپوزیشن قیادت کو سانحہ مری سے متعلق چیلنج دے دیا۔

وفاقی وزیر اطلاعات نے مزید کہا کہ نواز شریف فراڈ کے ذریعے ملک سے نکلے، سابق وزیراعظم نے 17 مہینے سے کوئی علاج نہیں کروایا۔

اُن کا کہنا تھا کہ نواز شریف کی فیملی سے پاکستانی ہائی کمیشن نے رابطہ کیا لیکن انہوں نے رپورٹس دینے سے انکار کر دیا۔

اعجاز شاہ ملک کو رہنے کے قابل نہیں سمجھتے، جاوید لطیف

مسلم لیگ (ن) کے رکن قومی اسمبلی جاوید لطیف نے وفاقی وزیر بریگیڈیئر (ر) اعجاز شاہ سے متعلق بڑا دعویٰ کردیا۔

فواد چوہدری نے کہا کہ جو رپورٹس نواز شریف نے بھیجی ہیں وہ پنجاب حکومت نے مسترد کر دی ہیں، سابق وزیراعظم کی صحت کا جو ڈرامہ رچایا گیا تھا وہ درست نہیں تھا۔

انہوں نے کہا کہ نواز شریف کی شخصی ضمانت دینے والے شہباز شریف فراڈ میں پوری طرح ملوث ہیں، عدالت سے استدعا کی جائے گی کہ اپوزیشن لیڈر کو سابق وزیراعظم کو واپس نہ لانے پر نااہل قرار دیا جائے۔