منی بجٹ، وزیراعظم آج پارلیمنٹ ہاؤس جائیں گے

قومی اسمبلی میں عددی اکثریت ثابت کرنے کا ایک اور امتحان حکومت کے سر پر آگیا ہے۔

قومی اسمبلی میں منی بجٹ کی منظوری کے لیے حکومت متحرک ہوگئی ہے، وزیراعظم عمران خان بھی آج پارلیمنٹ ہاؤس جائیں گے۔

پی ٹی آئی کے اراکین قومی اسمبلی کو منی بجٹ پر تحفظات

رپورٹس کے مطابق ایم این ایز نے منی بجٹ کو عوام پر ظلم اور عالمی اداروں کو اپنے اداروں کے اکاؤنٹس تک رسائی کو سیکورٹی رسک قرار دیا۔

وزیراعظم عمران خان آج قومی اسمبلی کے اجلاس سے پہلے پارلیمانی پارٹی کے اجلاس کی صدارت کریں گے۔

ذرائع کے مطابق پارلیمانی پارٹی اجلاس میں منی بجٹ کی منظوری کے ساتھ ساتھ اپوزیشن کی حکمت عملی سے نمٹنے کا لائحہ عمل بھی طے کیا جائے گا۔