کراچی (جنگ نیوز) تاریخ سے جدت کی طرف تیزی سے سفر کرنے والے شہر ” چنگ ڈاؤ“ کا دلچسپ احوال ”جیونیوز “ کے پروگرام ”ایک دِن جیو کے ساتھ“ میں ہفتے کو دکھایا جائے گا ۔ چائینز لائف اسٹائل کے ساتھ ناظرین اس شو میں تاریخی میوزیم ،ماضی میں تیار کی گئی واشنگ مشین ، فریج، ماضی کا ٹیلی فون، دورِ حاضر کا موبائل ، وائر لیس کیچن، جدید ٹیکنالوجی سے آراستہ کمرے ، بچوں کیلئے اسمارٹ ایکو سسٹم کلاس روم ، بغیر کپڑے تبدیل نیا سوٹ ٹرائی کرنے کا طریقہ اور اپنے کمرے کی چھت پر فلم دیکھنے کی جدید ٹیکنالوجی سے بھی لطف اندوز ہوں گے۔”ایک دِن جیو کے ساتھ “ سہیل وڑائچ کی میزبانی میں شام 7 بجکر5 منٹ پر دکھایا جائے گا۔ ٭پیپلز پارٹی کے سینئر رہنما اور ماہر قانون اعتزاز احسن کا خصوصی انٹرویو”جرگہ “میں پیش کیا جائے گا۔ سینئر صحافی اور پروگرام کے میزبان سلیم صافی کی میزبانی میں نشر ہونے والے شو میں اعتزاز احسن کے سامنے جو سوال اُٹھائے جائیں گے اُن میں ”کرپشن میں کون کس سے آگے ہے، کیا نواز شریف واقعی رخصت ہو رہے ہیں، مسلم لیگ(ن) کن کاموں میں اپنا ثانی نہیں رکھتی، کیا ملک میں ایک اور مارشل لاءکا خطرہ ہے، کیاملک میں تحریک بحالی مارشل لاءشروع ہے، پاناما لیکس کا اونٹ کس کروٹ بیٹھے گا“ شامل ہیں۔ چوہدری اعتزاز احسن کی خصوصی گفتگو ناظرین شب 10بجکر5 منٹ پر دیکھ سکیں گے۔ ٭”خبرناک“ میں اس ہفتے معروف اداکارہ میرا اور شیخ رشید (ڈمی) کی یاد گار ملاقات ناظرین کا لطف دوبالا کردے گی۔ اس بار شو میں دونوں ہی دلچسپ شخصیات ہیں کیونکہ ایک وزارت سے دور ہے تو دوسری فلموں سے ، مگر خبروں میں رہنے کا ہنر دونوں میں بہت خوب ہے۔ ”خبرناک“ میں میرا نے انکشاف کیا کہ مائرہ خان راجہ ظفر الحق سے صرف چھ ماہ چھوٹی ہیں۔ اُن کا مزید کہنا تھا کہ میں عمران خان کو چچا اور شیخ رشید کو تایا سمجھتی ہوں۔ ایک موقع ایسا بھی آیا جب شیخ رشید (ڈمی) نے کہا کہ میری خواہش ہے کہ میرا کی والدہ میری بھی امی بن جائیں۔ گفتگو کے دوران شیخ صاحب نے میرا کو فلم تخلیق کرنے کا کہا جس پر میرا نے اُنہیں یہ کہہ کر لاجواب کردیا کہ شیخ صاحب لال حویلی کی قیمت میں ایک بھی فلم تیار نہیں ہوسکتی۔ دلفریب نغمہ بھی ”خبرناک“ کی رونق دوبالا کرے گا۔ علی میر کی میزبانی میں طنز و مزاح سے بھر پور شو رات 11 بجکر5 منٹ پر نشر کیا جائے گا۔
فرمان الہی
نماز کے اوقات
