اب جماعتِ اسلامی کراچی شہر کی قیادت کریگی: حافظ نعیم

21 جنوری ، 2022

امیرِ جماعتِ اسلامی کراچی حافظ نعیم الرحمٰن کا کہنا ہے کہ کراچی نے 35 سال جبر میں گزارے، اب جماعتِ اسلامی شہر کی قیادت کرے گی۔

کراچی میں میڈیا سے گفتگو کرتے ہوئے امیرِ جماعتِ اسلامی کراچی حافظ نعیم الرحمٰن نے کہا کہ حکمران مقامی حکومتوں کو اختیارات نہیں دینا چاہتے۔

انہوں نے کہا کہ یہ صوبے اور وفاق میں بیٹھی حکومتوں کا وتیرہ ہے، ہم مطالبہ کرتے ہیں کہ بلدیہ کو مکمل آکٹرائے ٹیکس دیا جائے۔

امیرِ جماعتِ اسلامی کراچی حافظ نعیم الرحمٰن نے کہا کہ عباسی شہید اسپتال زبوں حالی کا شکار ہے، اس کی او پی ڈی کے باہر کچرے کے انبار لگے ہیں۔

ان کا مزید کہنا ہے کہ طلبہ یونین جمہوریت کی نرسری ہے، 1984ء میں ایک آمر نے طلبہ یونین پر پابندی لگائی تھی۔

حافظ نعیم الرحمٰن نے یہ بھی کہا کہ پیپلز پارٹی جمہوریت کی علم بردار ہے تو سندھ میں کیوں طلبہ یونین پر پابندی عائد ہے؟

قومی خبریں سے مزید

مغربی ہواؤں کا نیا سلسلہ بلوچستان میں داخل