پنجاب کے مختلف علاقوں میں شدید دھند

پنجاب کے مختلف علاقوں میں شدید دھند کے باعث موٹروے اور دیگر شاہراہوں پر حد نگاہ کم ہوجانے کے باعث ٹریفک کی روانی متاثر ہے۔

شدید دھند کے باعث موٹروے ایم ٹو ٹھوکر نیاز بیگ سے للہ انٹرچینج، ایم تھری فیض پور سے درکھانہ، ایم فور شیرشاہ سے پنڈی بھٹیاں، ایم فائیو شیرشاہ سے ظاہر پیر اور ایم الیون محمود بوٹی سے سمبڑیال تک بند کردی گئی ہے۔

پنجاب میں دھند کا راج، بلوچستان میں بارش

دھند اور وہ بھی اندھا دھند، پنجاب کے کئی علاقوں میں دھند کا راج ہے۔ جبکہ دیامر اورغذر میں برف باری اور بارش نے سڑکوں کا رابطہ توڑدیا۔ لوگ گھروں میں بند ہوگئے ہیں۔

شدید دھند اور حد نگاہ میں کمی کے باعث قومی شاہراہ پر بھی ٹریفک کی روانی متاثر ہے۔