پاکستان میں کورونا کیسز کی شرح نیچے نہ آ سکی

پاکستان کورونا مریضوں کے حوالے سے مرتب کی گئی فہرست میں 42 ویں نمبر پر ہے، تاہم یہاں کورونا کیسز کی شرح میں مسلسل اضافہ ہو رہا ہے اور یہ گزشتہ 24 گھنٹوں کے دوران 13 فیصد کے قریب آگئی ہے۔

نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 7 ہزار 195 کیسز سامنے آئے ہیں، مزید8 مریض اس موذی وباء کے سامنے زندگی کی بازی ہار گئے، اس کے مزید 833 مریض شفایاب ہو گئے، جبکہ مثبت کیسز کی شرح 12 اعشاریہ 53 فیصد ریکارڈ کی گئی۔

پاکستان بھر میں اب تک 29 ہزار 105 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 13 لاکھ 74ہزار 800 ہو چکی ہے۔

کراچی، ضلع جنوبی 3 سب ڈویژنز میں مائیکرو اسمارٹ لاک ڈاؤن نافذ

کراچی کے ضلع جنوبی میں کورونا وائرس کا پھیلاؤ تیز ہوگیا، ڈپٹی کمشنر جنوبی نے 3 سب ڈویژنز میں مائیکرو اسمارٹ لاک ڈاؤن لگا دیا۔

ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 70 ہزار 263 زیرِ علاج مریضوں میں سے 1 ہزار 113 کی حالت تشویش ناک ہے، جبکہ 12 لاکھ 69 ہزار 78 مریض اب تک اس بیماری سے شفایاب ہو چکے ہیں۔

گزشتہ 24 گھنٹوں میں ملک میں کورونا وائرس کے مزید 57 ہزار 401 ٹیسٹ کیئے گئے، جبکہ اب تک کُل 2 کروڑ 45 لاکھ 90 ہزار 353 کورونا ٹیسٹ کیئے جا چکے ہیں۔

سندھ میں کورونا وائرس کے مریضوں کی تعداد دیگر صوبوں سے زیادہ 5 لاکھ 26 ہزار 899 ہو چکی ہے، جبکہ اس سے کُل اموات 7 ہزار 741 ہو گئیں۔

پنجاب میں کورونا وائرس کے اب تک 4 لاکھ 64ہزار 431 مریض پورٹ ہوئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 13 ہزار 108 ہو چکی ہیں۔

خیبر پختون خوا میں کورونا وائرس کے مریضوں کی تعداد 1 لاکھ 85 ہزار 340 ہو چکی ہے، جبکہ اس سے یہاں کُل اموات 5 ہزار 975 ہو گئیں۔

وفاقی دارالحکومت اسلام آباد میں 1 لاکھ 18 ہزار 292 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کُل 976 افراد اس وباء سے جان کی بازی ہار چکے ہیں۔

آزاد جموں و کشمیر میں کورونا وائرس کے اب تک 35 ہزار 400 مریض رپورٹ ہوئے ہیں، جبکہ اس کے باعث اب تک یہاں کُل 751 مریض وفات پا چکے ہیں۔

کراچی میں کورونا کیسز کی شرح دیگر شہروں سے مسلسل زیادہ

ملک کے سب سے بڑے شہر کراچی میں کورونا وائرس کے کیسز کی شرح ملک کے دیگر شہروں سے مسلسل زیادہ ریکارڈ کی جا رہی ہے۔

کورونا وائرس کے بلوچستان میں 33 ہزار 941 مریض اب تک رپورٹ ہوئے ہیں جہاں 367 افراد اس مرض سے انتقال کر چکے ہیں۔

گِلگت بلتستان میں 10 ہزار 497 کورونا وائرس کے مریض سامنے آئے ہیں جبکہ اس سے اب تک 187 افراد جاں بحق ہوئے ہیں۔