• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیفنس میں موٹر سائیکل چوری کرنے والا ایس ایس یو کا جعلی اہلکار گرفتار

افضل ندیم ڈوگر
تازہ ترین
قومی خبریں
02 فروری ، 2022
ڈیفنس میں موٹر سائیکل چوری کرنے والا ایس ایس یو کا جعلی اہلکار گرفتار

ڈیفنس پولیس نے ایک کارروائی کے دوران پولیس کے اسپیشل سیکیورٹی یونٹ (ایس ایس یو) کی وردی میں ملبوس جعلی اہلکار کو گرفتار کر کے مسروقہ موٹر سائیکل برآمد کرلی۔

اے ایس پی درخشاں رانا محمد دلاور کے مطابق ڈیفنس فیز 2 میں ایس ایس یو کی یونیفارم پہنے ایک ملزم نے موٹرسائیکل چوری کی اور فرار ہوگیا، اطلاع ملنے پر مددگار 15 پولیس نے بروقت کارروائی کرکے ملزم کو گرفتار کر لیا۔

اے ایس پی رانا دلاور کے مطابق گرفتار ملزم اکرام اللہ سے چوری شدہ موٹر سائیکل برآمد کرلی گئی، ملزم سے ابتدائی تفتیش کے دوران ماضی کا کرائم ریکارڈ بھی سامنے آیا ہے۔

سب ڈویژنل پولیس آفیسر درخشاں رانا دلاور کے مطابق گرفتار ملزم لاڑکانہ سے گرفتار ہوکر جیل بھی جا چکا ہے۔

انہوں نے بتایا کہ گرفتار ملزم پولیس کی وردی پہن کر وارداتیں کرتا رہا ہے، ملزم سے مزید تفتیش کی جا رہی ہے۔

قومی خبریں سے مزید