پی پی قیادت سے ملاقات کے بعد شہباز شریف کا نواز شریف کو فون

بلاول بھٹو زرداری اور آصف علی زرداری سے ملاقات کے بعد قائد حزب اختلاف قومی اسمبلی شہباز شریف نے لندن میں اپنے بھائی اور پارٹی قائد نواز شریف سے تیلی فون پر بات چیت کی۔

شہباز شریف نے آصف زرداری اور بلاول بھٹو زرداری سے ملاقات کی تفصیلات سے نواز شریف کو آگاہ کیا۔

نواز شریف سے مشاورت کے بعد شہباز شریف نے پیر 7 فروری کو پارٹی کی سینٹرل ایگزیکٹو کمیٹی کا اجلاس بلا لیا ہے، اس کے بعد شہباز شریف نے مولانا فضل الرحمن کو فون کیا۔

انہوں نے آصف زرداری اور بلاول بھٹو سے ہونے والی بات چیت سے پی ڈی ایم کے سربراہ کو آگاہ کیا۔

مسلم لیگ ن اور پیپلز پارٹی کی قیادت کے درمیان ملاقات کی اندرونی کہانی

پیپلز پارٹی نے تجویز دی کہ عدم اعتماد کی صورت میں دونوں پارٹیوں کو متفقہ لائحہ عمل اپنانا چاہیے۔

شہباز شریف نے مولانا فضل الرحمن کو بتایا کہ آنے والے دنوں میں وہ مولانا سے بالمشافہ ملاقات کر کے بھی انہیں اعتماد میں لیں گے۔

دونوں قائدین کی بات چیت کی روشنی میں پی ڈی ایم کا اجلاس بھی بلانے کا فیصلہ کیا گیا ہے۔

پی ڈی ایم کا اجلاس بلانے کے لیے تاریخ کا اعلان مشاورت سے کیا جائے گا۔