فرمان الہی
نماز کے اوقات
چیئرمین پاکستان کرکٹ بورڈ (پی سی بی) رمیز راجا نے کہا ہے کہ لاہور میں پاکستان سپر لیگ (پی ایس ایل) کے میچز زبردست ہوں گے۔
لاہور میں میڈیا سے گفتگو میں رمیز راجا نے کہا کہ لاہور میں اچھا کراؤڈ آئے گا اب تو 12 سال سے کم عمر بچوں کو بھی اجازت مل گئی۔
انہوں نے کہا کہ یہ کرکٹ میلہ بچوں کےلیے ہی سجاتے ہیں، انہیں اجازت ملنے پر بہت خوشی ہوئی، پی ایس ایل میں لاہور کے میچز بھی زبردست ہوں گے۔
پی سی بی چیئرمین نے مزید کہا کہ کرکٹ فینز کے لیے بڑا پروگرام بنایا تھا لیکن کورونا پابندیوں کےسبب ممکن نہ ہوسکا۔ لوگوں سے کہوں گا زیادہ سے زیادہ تعداد میں اسٹیڈیم آئیں۔
اُن کا کہنا تھاکہ پچز اچھی نہیں ہوں گی تو کرکٹ کا معیار بھی اچھا ممکن نہیں ہوگا۔ آج میں نے خود پچز کی تیاری کو مانیٹر کیا ہے، میں ہر موقع پر کوشش کروں گا کہ اچھی پچز بنیں، اچھی پچز سے ہی ہم عظیم ٹیم بن سکتے ہیں۔
رمیز راجا نے یہ بھی کہا کہ آسٹریلیا کی مضبوط ٹیم پاکستان آئے گی سیریز میں اچھا مقابلہ ہوگا، امید کرتا ہوں وہ ہمیں پوری طرح ٹیسٹ کریں گے کہ ہم اور وہ کتنے پانی میں ہیں۔
