اسد عمر نے اپوزیشن کو سیاسی بیروزگار کہہ دیا

وفاقی وزیر منصوبہ بندی اسد عمر نے اپوزیشن جماعتوں کو سیاسی بیروزگار کہہ دیا۔

ملتان میں میڈیا سے گفتگو میں اسد عمر نے کہا ہے کہ اپوزیشن والے چند دن سے بہت متحرک ہوگئے ہیں، ان کی سیاسی زندگی مشکل ہوتی جارہی ہے۔

انہوں نے کہا کہ بلدیاتی الیکشن ڈی آئی خان میں ہو رہے ہیں مولانا اس پر توجہ دیں، اپوزیشن والے سیاسی بےروزگار لوگ ہیں، انہوں نے تحریک عدم اعتماد کی تاریخ نہیں دی۔

وفاقی وزیر نے مزید کہا کہ اتنی تاریخیں تو سول عدالتیں نہیں دیتی، جتنی پی ڈی ایم والے دے رہے ہیں، مولانا تو اپنے گھر کی دونوں سیٹیں ہم سے ہار چکے ہیں۔

اُن کا کہنا تھا کہ عمران خان کو احساس ہے جنوبی پنجاب کو ان کا حق نہیں ملا، جنوبی پنجاب کے لیے ایک ترقیاتی پیکیج پر کام کر رہے ہیں، جنوبی پنجاب آکر وزیراعظم پیکج کا اعلان کریں گے۔