فرمان الہی
نماز کے اوقات
مسلم لیگ نون کے صدر محمد شہباز شریف کا کہنا ہے کہ وزیر اعظم کو سیاسی ملاقاتوں سے نہیں، بلکہ ملکی تباہی، مہنگائی اور بے روزگاری کی وجہ سے پریشان ہونا چاہیے۔
احتساب عدالت لاہور میں آشیانہ ریفرنس کی سماعت کے بعد صحافیوں سے گفتگو کرتے ہوئے شہباز شریف نے کہا کہ ملکی تاریخ میں مہنگائی میں اتنا اضافہ کبھی نہیں ہوا جتنا اب ہوا ہے۔
شہباز شریف نے ایک سوال کے جواب میں کہا کہ انہیں ہماری سیاسی ملاقاتوں سے گھبراہٹ اور پریشانی نہیں ہونی چاہیے، موجودہ حکومت نے اتنے قرضے لیے جس کا کوئی حساب نہیں۔
انہوں نے کہا کہ گندم، شوگر سمیت کرپشن کے بے پناہ اسکینڈل ہیں، اربوں کھربوں کی کرپشن کرکے ملکی دولت دونوں ہاتھوں سے لوٹی گئی ہے۔
