لاہور: اسکول میں طالبہ سے زیادتی، زیرِ حراست افراد کا DNA ٹیسٹ

لاہور کے علاقے شاہدرہ میں نجی اسکول میں 10 سالہ طالبہ سے زیادتی کرنے والے ملزمان تاحال گرفتار نہ ہو سکے، جبکہ زیرِ حراست افراد کا ڈی این اے سیمپل ٹیسٹ کے لیے بھیج دیا گیا ہے۔

پولیس کے مطابق بچی کے ورثاء کی نشاندہی پر 5 افراد کو حراست میں لے لیا گیا ہے اور تمام افراد کا ڈی این اے ٹیسٹ کرایا جا رہا ہے۔

پولیس کا کہنا ہے کہ ڈی این اے رپورٹ کی روشنی میں مزید تفتیش کی جائے گی۔

طالبہ سے زیادتی کا واقعہ چند روز قبل پیش آیا تھا، جس کے اصل ملزمان تاحال گرفتار نہیں ہو سکے ہیں۔

پولیس کے مطابق زیرِ حراست افراد میں لاہور کے مذکورہ اسکول پرنسپل کے قریبی عزیز بھی شامل ہیں۔